Бу турда ҳам бизни қатор қизиқарли учрашувлар кутиб турибди. Демак, эътиборингизга ана ўша қизиқарли бўлиши кутилаётган баҳслар ҳақида маълумот берамиз.

"Милан" - "Торино"

Жамоадошларига Бенассер ёрдам бера олмайди. У ҳамон жароҳати билан оввора. Шундай экан жамоанинг янги футболчиси Рейндерсни асосий таркибда кўрсак ажаб эмас. У марказда Круничем и Лофтус-Чиком. Ҳужумда Пиоли яна Пулишич-Жиру-Леао триосини туширади.

"Буқалар"га Сек ва Жижи ёрдам беролмаса, Радоньич асосий таркибга қайтиши ва Влашич билан олдинги чизиқдаги Санабрияга ёрдамлашиши кутилмоқда. Айни дамда муқобил бошқа бир вариант кўринмаяпти.

Жамоаларнинг аввалги тўқнашувида "Милан" 1-0 ҳисобида устун бўлган. Ҳозир ҳам айнан миланликлар фаворит сифатида кўрилмоқда. Чемпионатнинг 1-турида "россонери" ёрқин ўйини билан мухлисларини хурсанд қила олмаган бўлсада, "Торино" ҳам "Кальяри" билан ўйинда устунликка эга бўла олмади. Бу сафарги рақиб эса бир мунча кучлироқ жамоа. Стефано жамоасига осон бўлмас, аммо класс ўз сўзини айтиб, "Милан" уч очколик бўлиши эҳтимоли жуда юқори.

"Ювентус" - "Болонья"

Бу ўйинда Де Шильо ўйнамаслиги аниқ, аммо Кин ва Погба захирадан бўлсада, майдонга тушиши мумкин. Ҳужумда эса яна Кьеза-Влахович-Веа учлигини кўрсак ажаб эмас. Меҳмонлар сафида бу ўйинда Бэрроу ва Сумаро ўйнай олмаслиги маълум. Шу сабабли Мотта ҳужумда Зикерекега ишонч билдиради, унга орқароқдан Ндой ва Эбишер ёрдам беради. Моронинг ҳам ҳолати аниқ эмас, болоньяликлар у тайёр бўлишига ишонч билдирмоқда.

Ўтган сафар жамоалар 1-1 ҳисобидаги дурангга рози бўлишганди. Шунга қарамай, "Ювентус" яққол фаворит саналади. Туринликлар дастлабки дақиқалардан устунликни ўз томонига оғдириб, тезкор ҳужумлар уюштиради, "Болонья" эса "кекса синьора"га қаршилик қилишга, айниқса қанотларда ўйин бермасликка ҳаракат қилади. Бу осон бўлмаслиги аниқ. Аммо Мотта шогирдлари "Милан"га қарши учрашувда бу ишни баъзи эпизодларда уддалай олишганди.

"Наполи" - "Сассуоло"

Руди Гарсия учун Хвичанинг сафга қайтиши ажойиб янгилик бўлди, айнан у Осимхен ва Политано билан биргаликда ҳужум учлигини ташкил қилса керак. Шунингдек, Гаэтано ҳам тикланиб, жангга тайёр, аммо у ўйинни илк дақиқалардан бошлаши ҳақиқатдан бироз йироқдек. Жесус-Ррахмани дуэти ҳимоя марказида асосийга айланмоқда. "Сассуоло" ҳақида гапирсак, Руан дисквалификация муддатини ўтаб, қайтмоқда, лекин Альварес, Обьянг ва Беррардининг ўйинда иштироки сўроқ остида қолмоқда. Балки ҳужумда Лорьенте ва Пинамонти жуфтлигига ишонч билдирилар.

"Наполи" аввалги баҳсда осонлик билан 2-0 ҳисобидаги ғалабани расмийлаштирган. Ўйин олдидан фаворит борасидаги фикрлар ўша-ўша. "Сассуоло" "Аталанта"га қарши ўйинда кутилмаган бирор нарса намойиш қила олма, қўшимчасига Беррарди ҳам бўлмаса, "нероверди"га осон бўлмаслиги аниқ. "Наполи" муҳим уч очкони у қадар қийинчиликсиз қўлга киритишини тахмин қиламиз.

"Кальяри" - "Интер"

"Кальяри" сафида жароҳатланганлар йўқлиги қувонарли албатта. Рога ва Лападулла лазаретдалигига клубдагилар ўрганиб ҳам қолишган. Улар яқин орада қайтмаслиги ҳам ҳеч кимга сир эмас. Раньери бу сафар ҳужумда нима ўйлаб топиши жуда қизиқ. Бироқ Шомуродов ҳали ҳам янги жамоага мослашиш жараёнини бошдан ўтказаётганини инобатга олиб, тажрибали мураббий илк дақиқалардан Паволеттини туширса керак.

"Интер" сафида Ачерби ва Дармианнинг майдонга тушиши борасида саволлар очиқ қолмоқда. Маттео катта эҳтимол тикланиб улгуради. Нима бўлганда ҳам Биссек захира варианти мавжуд.

Жамоаларнинг ўтган сафарги тўқнашувида "Интер" сафарда 3-1 ҳисобида устун келганди. "Нерадзурри" имкониятлари бу сафар ҳам яхшироқ баҳоланмоқда. Таркибида Шомуродов бўлсада, А Серия дебютанти скудетто учун асосий даъвогарлардан бирини тўхтатиб қолиши осон бўлмайди.

Сергей Румянцев

Нозима Тўхтамирзаева таржима қилди

Иккинчи қадам: А Серия 2-тур превьюси