"Har ikkala jamoani durang natijasi qoniqtirardi. Bir ochko ko'proq bizni qoniqtirardi, chunki guruhdagi peshqadamlikni saqlab qolardik. Ammo ular ham negadir o'ynagisi kelmadi va shu bois uchrashuv shiddatli tus olgani yo'q. Biz g'alaba uchun maydonga tushgandik", - deya gap boshladi Ikrom Aliboev.

- G'alaba ishtiyoqida chiqqandik dedingiz. Ammo "Loko"ning harakatlari ko'proq mag'lub bo'lmaslik uchun o'ynalganga o'xshab qoldi. Stadionga tashrif buyurgan ko'plab muxlislar ham ko'rsatilgan o'yindan norozi bo'lishganini ochiqchasiga oshkor qilishdi...

- Faqatgina g'alabani ko'zlab o'ynadik. Shunchaki raqib katta kuch bilan himoyalanib, oldinga o'tgisi kelmadi. Har xil toifadagi muxlislar bor, ular esa gapiraverishadi.

- Futbol avvalo muxlislar uchun o'ynaladiku... Shaxsan o'zingiz bu o'yinni oddiy ishqiboz sifatida tomosha qilganingizda, uchrashuvdan zavq olgan bo'larmidingiz?

- Futbol albatta muxlislar uchun o'ynaladi. Ammo biz avvalo O'zbekiston sharafini himoya qildik. To'rtta jamoamizdan faqat "Loko" vazifani udallab, keyingi bosqichga chiqdi. Aksincha muxlislarimiz xursand bo'lishlari kerak. Bazi ishqibozlar esa stadionda "pazor" deb baqirishdi...

- "Lokomotiv"ning keyingi o'yinlarida omad tilab qolamiz.

- Rahmat, kelgusi uchrashuvlarda ham ishqibozlarimizni xursand qilishga harakat qilamiz.

Shahboz Beg'amov suhbatlashdi.

Ikrom Aliboev: "Raqib oldinga o'tgisi kelmadi, shu bois o'yin shiddatkor kechmadi"