Xususan, “Neftchi” – “Metallurg” (7:6) uchrashuvi gollarga boy kechdi. Uchrashuvdan so'ng farg'onaliklar safida ikkita gol urishga muvaffaq bo'lgan Ilhom Abdug'aniev bilan suhbatlashdik.

“Metallurg” bilan bahsda to'g'risida

“Bugun juda qiyin o'yinni o'tkazdik. Kechagi kungi mag'lubiyatdan to'g'ri xulosa chiqardik hamda “Metallurg”ga jiddiy tayyorgarlik ko'rdik. O'z navbatida bekobodliklar ham kecha og'ir o'yin o'tkazganligi bugungi bahsda sezilib qoldi. Bir so'z bilan aytganda, qiziqarli bahs bo'ldi.

Qo'lga kiritilgan g'alaba haqida

“Jamoamiz o'z imkoniyatlaridan maksimal darajada foydalana oldi. Qolaversa, muvaffaqiyat yo'lida kuchli shijoat ko'rsatdi. Bu esa bizning g'alabamizni taminlab berdi.

“Maksam-Chirchiq”dan uchralgan mag'lubiyat borasida

“Mazkur o'yinda ko'p xatolarga yo'l qo'ydik. Qolaversa, yuzaga kelgan golli imkoniyatlarimizdan foydalana olmadik. Birinchi bo'limda raqibimiz qarshi hujumlardan to'g'ri foydalandi. Odatda, birinchi o'yin qiyin bo'ladi. Bu safar ham xuddi shunday holat kuzatildi.

Maqsadlari to'g'risida

“Har bir o'yinda gollar urishga va jamoamga yordam berishga harakat qilmoqdaman. Bu mavsumda o'z oldimga 25tadan ko'proq gol urishni oliy maqsad qilganman. Chempionat yakuniga qadar buni amalga oshirmoqchiman.

Ilhom Abdug'aniev bu mavsumda nechta gol urishni maqsad qilgan?