Хусусан, “Нефтчи” – “Металлург” (7:6) учрашуви голларга бой кечди. Учрашувдан сўнг фарғоналиклар сафида иккита гол уришга муваффақ бўлган Илҳом Абдуғаниев билан суҳбатлашдик.

“Металлург” билан баҳсда тўғрисида

“Бугун жуда қийин ўйинни ўтказдик. Кечаги кунги мағлубиятдан тўғри хулоса чиқардик ҳамда “Металлург”га жиддий тайёргарлик кўрдик. Ўз навбатида бекободликлар ҳам кеча оғир ўйин ўтказганлиги бугунги баҳсда сезилиб қолди. Бир сўз билан айтганда, қизиқарли баҳс бўлди.

Қўлга киритилган ғалаба ҳақида

“Жамоамиз ўз имкониятларидан максимал даражада фойдалана олди. Қолаверса, муваффақият йўлида кучли шижоат кўрсатди. Бу эса бизнинг ғалабамизни таъминлаб берди.

“Максам-Чирчиқ”дан учралган мағлубият борасида

“Мазкур ўйинда кўп хатоларга йўл қўйдик. Қолаверса, юзага келган голли имкониятларимиздан фойдалана олмадик. Биринчи бўлимда рақибимиз қарши ҳужумлардан тўғри фойдаланди. Одатда, биринчи ўйин қийин бўлади. Бу сафар ҳам худди шундай ҳолат кузатилди.

Мақсадлари тўғрисида

“Ҳар бир ўйинда голлар уришга ва жамоамга ёрдам беришга ҳаракат қилмоқдаман. Бу мавсумда ўз олдимга 25тадан кўпроқ гол уришни олий мақсад қилганман. Чемпионат якунига қадар буни амалга оширмоқчиман.

Илҳом Абдуғаниев бу мавсумда нечта гол уришни мақсад қилган?