Қўқонликлар билан шартномаси якунланган ҳимоячи жамоанинг янги мавсумдаги ўқув-йиғинларида кўринмаяпти. Биз Илҳомжон билан боғланиб бунинг боисини сўрадик.

“Ўтган мавсумни иккинчи ярмини Қўқонда ўтказиб, қўлимдан келганча мухлисларни хурсанд қилишга уриндим. Қўқон жамоаси билан йил сўнгигача шартнома қилган эдим. Ҳозирги кунда уйдаман. Оиламда қувончли воқеа содир бўлди. Биринчи фарзандим дунёга келди. Ҳозир мендан бахтиёр инсон йўқ, чунки яратган менга ўғил фарзанд тақдим қилди. Таклифларга келсак айрим жамоалардан таклифлар бор. Қайси жамоалардан эканлигини айтмай тура қолай. Менга қолса яна Қўқонда ўйнамоқчиман. Албатта мураббийларга ҳаракатларим маъқул келса. Жамоа раҳбари билан телефон орқали гаплашдик, яқин кунларда “Қўқон-1912” машғулотларига қўшиламан”, - дейди Илҳом Комилов.

Акрамжон Мамадалиев.

Илҳом Комилов: “Ўғил фарзандлик бўлдим”