“Paxtakor”ni g'alaba bilan tabriklayman. Shuningdek, futbolchilarimizga ham rahmat aytaman. “Navbahor” g'alaba uchun kelgandi. Ammo bugungi bahsda raqib jamoa futbolchilarining mahorati o'z so'zini aytdi. Masharipov va Bezerra individual mahorati evaziga gol kiritildi. Bunda futbolchilarimni ayblay olmayman. Bu futbol. O'yin durangga mos bo'ldi. Lekin durang qayd etilishi kerak bo'lgan bellashuvda mag'lubiyatga uchradik. Bu mag'lubiyat bizni yanada kuchli qiladi, - deb gap boshladi Ilhom Mo'minjonov.

- “Navbahor” uyda va safarda boshqa-boshqa o'yin ko'rsatmoqda. Natijalar ham har xil. Bu nima bilan bog'liq?
- “Navbahor” faqatgina uy jamoasi emas. Bizni uy jamoasi deyishayotganiga asosiy sabab, ikki yildan buyon uyda mag'lub bo'lmayapmiz. Shu boisdan ham odamlar bizni uy jamoasi deb o'ylamoqda. Ko'plab jamoalar safarda har doim ham g'alaba qozonishmaydi. Uyda esa istalgan raqibni mag'lub etamiz. O'tgan mavsumda safarda ko'plab ochkolarni jamg'argandik. Bu yil esa hozircha 4 ochko ishladik. To'g'ri, bu kam, asta-sekinlik bilan safarda ham ko'plab ochkolar olamiz. Hozirgi mavjud tarkib bilan shu darajaga etishganimizdan xursandman. Futbochlilarim bilan faxrlanaman.

- Rahbariyat tomonidan mavsum avvalida “Navbahor” chempionlik kurashishi aytilgandi. Hozirgi jamoa bilan Superligada aynan qaysi o'rin uchun kurasha olishga ko'ziz etadi?
- Biz rahbariyat qo'ygan vazifani bajaramiz. “Navbahor” kamida kuchli uchlikka kirish yoki chempionlik uchun kurashadi. Chunki, qo'l ostimdagi futbolchilar sovrindor bo'lishga loyiq.

- O'tgan matbuot anjumanida klubdagi bazi insonlar men yig'gan tarkibga ishonmayapti deya takidlagandingiz. Klubda ishlashga sizga kimdir to'sqinlik qilyaptimi? Aynan o'sha siz aytib o'tgan insonlar kim?
- Bu sirligicha qolgani maqul. Hech kim meni ishimga to'sqinlik qilmayapti.

- “Navbahor” asosan agressiv futbol ko'rsatmoqda. Jamoa pozicion hujum tashkil etishda oqsamoqda. Gollar asosan standart vaziyatlardan urilmoqda.
- To'g'ri, rahbariyat ham aynan shu kamchiligimiz xususida tanbeh berdi. Kelgusida aynan pozicion hujum tashkil etish xususida ishlaymiz. Ammo unutmangki jahon futbolida gollar asosan standart vaziyatlardan kiritiladi.

Jahongir Mehmonov: Mag'lubiyatga loyiq o'yin ko'rsatmadik. Ilhom Mo'minjonov “Navbahor”ni top jamoalar safiga qo'shishga harakat qilmoqdalar. Yaxshi o'ynayapmiz. Kelgusi o'yinlarda g'alaba qozonishga harakat qilamiz. Bugungi bahsda o'zimizning birgina xatoimiz evaziga mag'lub bo'ldik. Bu futbol. Bunda kimdir xato qiladi va kimdir g'alaba qozonadi. Shunday mag'lubiyatlar bizni kelgusida ham futbolchi sifatida o'stiradi. Bizga ishonayotgan barchani ishonchini oqlashga harakat qilamiz.
Qaysi mag'lubiyat alamli bo'ldi. Jizzaxdagimi yoki bugungi?

Har bir mag'lubiyat alamli. Jizzaxda 2:0 hisobida oldinda borib turib mag'lub bo'lganimiz ko'proq alam qilgan.

Ilhom Mo'minjonov: "Bu sirligicha qolgani maqul"