- O'yin haqida
- Xabaringlar bor, muddatidan avval Pro liga chempionligiga erishib Superligaga chiqdik. Shu sabab bir qator tajribali futbolchilarimizga dam olish uchun imkoniyat yaratdik. Maydonga asosan, o'yin amaliyoti kam bo'lgan hamda yosh futbolchilarni tushirdik.
O'yinda birinchi bo'lib gol urganimizga qaramay, himoyachimizning qo'pol xatosi evaziga darvozamiz tomon penalti belgilandi. Shu sababli gol o'tkazib yubordik. Bugun "Nurafshon" uchun hal qiluvchi o'yin ekanini bilardik, ularga faqat g'alaba zarur edi. Yakunda o'yin durang natija bilan tugadi. Keyingi turda "Dinamo" bilan o'ynaymiz va bu o'yinga tayyorgarlik jarayoniga kirishamiz. Mana hozirgi kunda U-18 jamoamiz ham chempionlik uchun kurashmoqda. Albatta, yosh futbolchilarimizga ham etibor qaratgan holda ular orasidan munosiblarini tarkibga jalb etamiz.
- Pro liga chempionligi orqali Superliga yo'llanmasini naq qilgan "Neftchi"ning transferlar borasidagi rejasi qanday?
- "Neftchi" shonli tarixga ega bo'lgan klub. "Neftchi" nomi – bu brend, buni ko'pchilik yaxshi biladi. Rahbariyat bizga jamoaning avvalgi mavqeini tiklash uchun vazifa qo'ygan. Albatta, tarkibga iqtidorli futbolchilarni jalb etamiz, ular bilan muzokara o'tkazamiz. Maqsad kelgusida "Neftchi"ni Osiyo chempionlar ligasiga olib chiqish.
- So'ngi vaqtlarda turli manbalar taniqli futbolchi Odil Ahmedov yangi mavsumni "Neftchi"da boshlashi mumkin degan xabarlar tarqaldi. Bunga munosabatingiz qanday?
- Ochig'i, bundan xabarim yo'q.
- Demak, Ahmedov "Neftchi"ga kelishi kutilayotgani yo'q, shundaymi?
- Takror aytaman, bu jarayondan xabarim yo'q.
Izohlar