Ўйин ҳақида

- Биринчи навбатда жамоамиз аъзолари ва "Нефтчи" мухлисларини ғалаба билан табриклайман. Очколар жамғаришда давом этамиз. Албатта бугун қийин ўйин бўлди, ғалаба осонликча қўлга киритилгани йўқ. Йигитлар ўйин давомида берилган кўрсатмаларни тўғри бажаришди. Бугунги ўйин билан биринчи босқич якунига етди. Эртага 2-босқичга қуръа ташланади. Шундан келиб дастлабки рақибларимизни билиб оламиз.

- "Олимпик" жамоаси бош мураббийи Тимур Кападзе ўз интервьюларидан бирида "Истиқлол" стадиони майсалари ва холатини салбий баҳолади. Бу ҳақида фикрингиз қандай?

- "Истиқлол" стадионида уй ўйинларимизни, шунингдек машғулотларни ўтказаяпмиз. Стадион раҳбарияти ва ходимлари майдон майсаларини мукаммал холатга келтириш бўйича ишлашмоқда.

- Катта эҳтимол жамоангиз Суперлигага яқин турибди. Агар Суперлига йўлланмаси қўлга киритилса "Истиқлол" стадиони майсалари юқори лига ўйинларига қадар шай холатга келадими?

- Албатта тайёр бўлади. Ҳозир бу борада ишлар олиб борилмоқда. Майдон майсаси 7-8 аввал қўйилган экан. Ҳозир бу борада ишлар жадал суръатда давом этмоқда.

- Мухлислардан келган саволлар. Достон Тошматов нега майдонга тушмаяпти? Шунингдек, "Нефтчи"нинг U-18 жамоасидан асосий таркибга мос футболчилар борми?

- Достон Тошматовнинг иқтидорига шубҳа йўқ. Лекин ҳозир бизда ҳужум чизиғида рақобат кучли. Достон бизга керак ва албатта кейинги ўйинларда майдонга туширамиз.

"Нефтчи"нинг U-18 жамоаси ўзи иштирок этаётган чемпионатда бежизга биринчи ўринда кетаётганлари йўқ. Албатта ёшлар жамоамиз таркибида маҳоратли футболчилар бор. Биз уларни босқичма-босқич асосий таркибга жалб этиб борамиз.

Илҳом Мўминжонов: "Йигитлар кўрсатмаларни тўғри бажаришди"