Birinchi Ligadan Oliy Ligaga qaytishimizni g'alaba bilan nishonlaganimizdan juda xursandmiz. Chempionat o'yinlariga imkonqadar tayyorgarlik ko'rishga intilgandik. Metallurg mamlakatimizning kuchli klublaridan biri. Ularga qarshi o'ynash hech qaysi jamoa uchun oson bo'lmaydi. Chunki Bekobod jamoasi tarkibi 6-7 yildan buyon birga shakllangan tajribali jamoadir. Bugun Dinamo jangovarlik ruhi evaziga g'alaba qozondi.

Yigitlarimizdan minnatdormiz. Oxirgi kuchlari qolgancha maydonda borlarini berishdi. Tarkibimiz asosini yoshlar tashkil etmoqda. Ulardan maydonda qo'rqmasdan oxirigacha kurashishni talab qilgandik. Omad ham biz tomonda bo'ldi. Ularga ishonisha davom etamiz. Hozirgi holatimizda ham, bizga ishonib, Samarqanddan Bekobodga kelib Dinamoni yolg'izlatmagan ishqibozlarimizga alohida rahmat deyman. Bu g'alaba tarixda qoldi, ertadan chorshanba kuni o'tadigan 2-tur o'yini Sho'rtanga qarshi bahsga tayyorgarlik ko'ramiz - deya fikrini yakunladi Ilhom Sharipov.

Ilhom Sharipov: Dinamo jangovarlik ruhi evaziga g'alaba qozondi