- Bugungi o'yin teng kurashlar ostida kechdi. Xavfli vaziyatlarni yuzaga keltirish borasida gap ketganida, bu borada namanganliklarga ko'proq imkoniyat bo'ldi. Shunday bo'lsada, omadimiz chopib g'alaba qozondik. Yutuqda, darvozabonimizning hissasi katta bo'lganligini alohida etirof etgan bo'lardim. Uchrashuvdan oldin murabbiyimiz aytgan barcha rejalarni 85-90 foiz darajada amalga oshira oldik deb o'ylayman.

Umuman olganda o'yinga munosib tarzda tayyorgarlik ko'rgandik. Maydonda ikkinchi raqamli jamoa sifatida to'p surgan bo'lsakda, oldimizga qo'yilgan vazifani uddaladik. Boshha uchrashuvlardagi kabi Namanganga ham g'alabani ko'zlagan holda kelgandik. Kubok musobaqasining ushbu bosqichidan g'olib nomi ikki o'yin natijasiga qarab aniqlanadi. Dastlabki uchrashuvdagi asosiy vazifamiz raqib darvozasiga hech bo'lmaganda bir bor ishg'ol qilish bilan bir qatorda darvozamiz daxlsizligini taminlashdan iborat edi. Kubokda uzoqroqqa borib, muxlislarimizni xursand qilishni maqsad qilganmiz. Har bir g'alabadan keyin esa ishonchimiz ortib bormoqda. G'alabalar orqali bir-birimizni ruhimizni ko'tarib, yaxshi natijalar sari intilmoqdamiz.

Ilya Ilin: “Dastlabki o'yindagi vazifamizni bajardik”