O'yin haqida
- O'yin haqida gapiradigan bo'lsam, biz bugun yutqazmasligimiz kerak edi. Tushunayapsizmi, biz bugun yutqazishga haqli emasdik. Harakat qildik, ijobiy natija uchun o'ynadik, lekin o'xshamadi. Murabbiylar shtabi aybni zimmamizga olamiz.
- Tanaffusda qator o'zgarishlar amalga oshirildi. Biroq, "Bunyodkor"ning yangi transferlari jamoada o'zaro bir-birini tushunish bo'yicha kamchiliklar kuzatildimi?
- Men xohlardim, bizda birinchi bo'limda imkoniyatlar bo'lganini muxlislar bilishi kerak. Qiyin bo'ldi, lekin biz oxirigacha o'ynadik. Bilasiz, kubokda davom etayapmiz. Mavsum yakunida Farg'onada bo'lib o'tadigan finalga ham chiqarmiz. Har doim ijobiy natija uchun o'ynaymiz.
- Birinchi davradan so'ng siz istagan futbolchilar transferi amalga oshdimi?
- Yaxshi savol. Biz istagan futbolchilarni tarkibga qo'shib oldik. Yig'inda ko'ringani o'yinda ham amalga oshavermaydi. Tayyorgarligimiz yaxshi edi, biroq o'yindagi natija ijobiy bo'lmadi. Albatta, bugungi o'yinimizdan qoniqmadim.
- Jamoadagi legionerlardan ko'ra o'zimizning futbolchilar bilan kuchliroq ko'rinmayaptimi?
- "Qizilqum" bilan o'yin og'ir kechdi. Legionerlar ko'ngildagidek natija ko'rsatmasa, bunga murabbiylar shtabi javob beradi. Hozir ikkinchi davrada faqat bitta jamoa bilan o'ynadik, birdaniga xulosa chiqarish to'g'ri emas.
- Siz bundan buyon har bir o'yin finaldek o'tishini aytgansiz. Bugungi uchrashuv shu finaldek kabi o'tdimi?
- Futbolda hamma narsa bo'ladi. Raqibning goli biz uchun ogohlik qo'ng'irog'i edi. Biz jamoa oldidagi vazifalarni to'liq bajarishni maqsad qilganmiz.
Izohlar