- O'yin haqida

- O'zbekiston Superligasida ishlashni boshlaganimdan buyon hech bir o'yin oson o'tayotgani yo'q. Aksariyat murabbiylardan anchayin yoshman, faoliyatim davomida tajriba ham to'plab boryapman. Emociyalar, hayajon va hissiyotlar, stresslar futbolning ajralmas qismi. "Bunyodkor" bilan ishlagan davrim, ortda qolgan yil, barchasida bugungi kabi qiyin o'yinlarni o'tkazdik, yutgan o'yinlarimizda, durang yoki mag'lubiyatda ham.

- Hakamlik haqida fikringiz qanday? Masalan, "Bunyodkor"ning ham ikkinchi goli VAR tomonidan bekor qilindi...

- Ikkinchi golimizni bekor qilinishi haqida hakamlar izoh berishsa kerak. Qaerda o'yindan tashqari holat bor, bu borada ular mutaxassis, tegishlicha fikrlarni kutamiz. Hakamlar nazoratchilari vaziyat yuzasidan qarorlarini elon qilishsa, futbolni yorituvchi platformalar orqali buni kuzatamiz. Men bilmadim, futbolchi tanasining qaysidir qismi ehtimol oldinga chiqib ketgandir. Bu mening ishim emas, men murabbiyman.

- "Bunyodkor" mezbonlar darvozasiga gol urib olganidan so'ng ko'proq himoyalandi. Aksincha hujumkorroq uslub jamoa uchun foydali bo'lmasmidi?

- Biz goldan so'ng hujumkorlikni yo'qotib qo'yganimiz yo'q. O'yin boshidanoq ayni uslubda o'ynayotgandik, kerak paytda hujumga o'tdik, vaziyatga qarab himoyalandik. Tashqaridan qaraganda, masalan, televizorda tomosha qilganda shunday tuyulaveradi. Superligada oson o'yin bo'lmayapti, bazan himoyalanish kerak bo'ladi, bazan hujumkorlikni oshirish kerak. "Navbahor" bilan o'yinda ham vaziyatdan kelib chiqib, shunaqa o'ynadik, so'nggi soniyalarda hisob tenglashdi. Ruhiyatda hisobdan kelib chiqish o'ynash kuzatiladi. Islom Ismoilovning emocional fikrlarini ko'rganman. So'nggi vaqtlarda yuz berayotgan holatlar bu mavzuni yana o'ylab ko'rish kerakligini ko'rsatyapti.

Ilyos Zeytullavev: "Islom Ismoilovning emocional intervyusini ko'rganman. So'nggi holatlar shu mavzuni yana o'ylab ko'rish kerakligini ko'rsatyapti"