Ҳозирги кунда мазкур жамоани қайта тиклаш бўйича самарали ишлар олиб борилмоқда.

Бугун мазкур жамоа раҳбарияти томонидан махсус йиғилиш ўтказилди. Йиғилишда “Имкон” футбол клубини қайта тиклаш ва жамоанинг янги мавсумда Про-лига “В” гуруҳида иштирок этишини таъминлаш ва бу борада зарурий тадбирларни амалга ошириш масалалари муҳокама қилинди.

Шунингдек, йиғилишда жамоа бошлиғи ва бош мураббий масаласига ҳам ойдинлик киритилди. Унга кўра, Олтиариқ футболи ривожи йўлида меҳнат қилиб келаётган Мухаммадзиёҳиддин Мирзаев “Имкон” футбол клуби раиси сифатида фаолият юритадиган бўлди. Тажрибали мураббийларидан бири Камол Жўнашев “Имкон” жамоаси бош мураббийи этиб тайинланди.

Жамоа аъзолари эртадан мавсумга тайёргарликни бошлашади. Мураббийлар штаби жамоа сафига маҳаллий футболчиларни таклиф этишни режалаштирмоқда. Машғулотлар Олтиариқ тумани Полосон қишлоғида жойлашган “Имкон Арена” стадионида бўлиб ўтади.

"Имкон" жамоаси қайта тикланмоқда