12 yoshida "Barselona"ga kelgan ispaniyalik daho klub bilan deyarli barcha sovrinni qo'lga kiritdi.

To'p bilan engil harakatlanishi va paslarni yaxshi ko'ra olishi Inestani so'nggi 15 yillikdagi eng yaxshi futbolchilardan biriga aylantirdi.

2002/03 mavsumda debyut qilgan Inesta "Barselona" tarixidagi buyuklar safiga qo'shildi.

Yaponiyada qanday muvaffaqiyatga erishishiga qaramay, Inesta "Barselona"dagi faoliyati tufayli xotiramizda ajoyib futbolchi sifatida saqlanib qoladi.
Opta nashrining raqamlari bilan, maestroning faoliyatidagi qiziqarli statistik malumotlarni etiboringizga havola qilamiz.

674 - Inesta "Barselona" safida barcha turnirlarni qo'shib hisoblaganda 674ta uchrashuvda maydonga tushgan. Bu ayni damda ko'k-anorranglilar safida o'ynayotgan har qanday futbolchidan ko'p. Klub tarixida faqat Xavi Andres Inestadan ko'proq o'yin (767) o'tkazgan.

459 - 674ta uchrashuvning 459tasi g'alaba bilan yakunlangan. Inesta ishtirok etgan bahslarning 68.1%da Kataloniya klubi zafar quchgan.

18 - Inesta Chempionlar ligasida debyut qilganida 18 yosh 170 kunlik edi. Uning turnirdagi ilk o'yini 2002 yil 29 oktyabrda "Bryugge"ga qarshi bahs bo'lgan.

9 - "Barselona" ramzi 16 mavsum ichida LaLiganing 9ta sovrinini qo'lga kiritgan.

70 - Inesta LaLiga bahslarida 70 marta golli pas bergan. Uning eng yaxshi natijasi 2012/13 mavsumda qayd etilgan, 16ta golga assistentlik qilgan yarim himoyachi o'sha mavsum kuchli besh ligada bu natijaga erishgan yagona futbolchi edi.

35 - Ispaniya terma jamoasi futbolchisini goleador deb bo'lmaydi, u "Barselona" safida LaLigada 35ta gol urgan.

9 - Hech qachon "Oltin to'p"ni yuta olmagan Inesta 9 marta FIFAning yil ramziy terma jamoasiga kirgan. Faqat Lionel Messi va Krishtianu Ronaldu bu borada yaxshiroq ko'rsatkichga ega (11).

116 - Inesta faoliyatidagi eng yaxshi on JCH-2010 finalining 116-daqiqasida bo'lgan. U o'shanda Gollandiya terma jamoasi darvozasiga gol urib, ispanlarga jahon kubogini olib bergan. Futbolchi bahsning eng yaxshi o'yinichi deb topilgan.

9 - Inesta 9 xil murabbiy qo'l ostida ishlagan. Yarim himoyachi eng ko'p uchrashuvni Frank Raykard jamoasida o'tkazgan.

Inesta Opta raqamlarida