Hal qiluvchi pallada Iroq o'smirlarini taslim qilgan vakillarimiz musobaqaning final bosqichiga yo'l oldi. Mazkur saralash haqida terma jamoa ustozi Islom Ismoilov fikrlarini bildirdi.

- Birinchi navbatda qo'lga kiritilgan g'alaba bilan muxlislar, qo'llab-quvvatlab turgan barcha, murabbiylar, O'FA rahbariyati, xalqaro aloqalar bo'limi xodimi Sherzod Igamberdiev, terma jamoalar bo'limi rahbari Usmon Toshevga minnatdorchilik bildiraman, doim yonimda turgan murabbiylar shtabim, tashkilotchilarga ham rahmat aytaman. O'yindan oldin bizni faqat g'alaba qoniqtirar edi.

- Bu yoshda futbolchilarda kuchli hayajon bo'lishi tabiiy edi. Qaysidir manoda bosim yuklardi. Ular bilan suhbatlashdik, ruhiyatini ko'tardik. Iroqni o'rganib chiqqan holda taktika tanladik va bu ish berdi deya olaman. To'g'ri, birinchi vazifamiz gol o'tkazib yubormaslik edi. Shu bois ikkinchi zonada himoyalandik va raqib hujum qilishi mumkin bo'lgan xududlarni yopdik. Barcha uchrashuvlarda ko'plab imkoniyatlarga ega bo'layotganimizga qaramay realizaciyada muammolar bor edi. Yigitlar o'z imkoniyatlarini kutishdi. Kuch jihatdan Iroq bizdan kuchliroq, jismonan baquvvat. Bunday havoda maydonda turishning o'zi bosim berardi. Futbolchilar aytilgan ko'rsatmalarni bajarishdi.

- Jahon futbolida ham chuqur himoyani yorib o'tish muammolardan biri hisoblanadi. Top jamloalar ham chuqur himoyalanganda hujumkor jamoa qiynaladi. Yirik hisobdagi g'alabani kutgandik. Agar ertaroq gol urganimizda shunday vaziyat bo'lardi. Juda qiyin o'yinda yakuniy nuqtani qo'ya oldik. Barcha bahslarda hayajon bo'ldi va tabiiy holat. Ularning orzulari bor. 3 ta o'yinda raqiblarga qarshi qo'llagan rejalarimiz o'zini oqladi. Bunday qisqa vaqtli turnirlarda hamma narsani hisobga olish kerak.

- Qita musobaqasining final bosqichigacha rejamiz bor edi. Asosiy vazifa bajarildi va endilikda rahbariyat bilan yana bu masalani gaplashamiz. Osiyo chempionatigacha oldimizda ko'plab o'rtoqlik uchrashuvlari kutib turibdi. Endilikda ularning vaqtlari aniqligiga qarab tayyorgarlikni davom ettiramiz. Maqsadimiz Osiyo chempionatida g'olib chiqish, shunday ekan har qanday raqibga qarshi munosib o'ynab g'alaba qozonishimiz zarur. Saralashda esa qiyin guruhdan peshqadam sifatida chiqdik

Intervyu. Islom Ismoilov: "Saralashda rejamiz ish berdi, Osiyo chempionatida g'olib bo'lishimiz uchun raqibning farqi yo'q"