- O'yin haqida fikrlaringizni aytib o'tsangiz?

- (kuladi) Juda qiziq o'yin bo'ldi, ko'p imkoniyatlar yaratdik, lekin ulardan foydalana olmadik. Raqib uzun paslar bilan o'ynadi va bu bizga muammo tug'dirdi. Guruhdagi barcha o'yinlarni qiyin bo'ldi deb o'ylayman, lekin biz kuchli 8ta jamoadan biri bo'ldik va birinchi maqsadimizga erishdik. Bizning bir nechta o'yinchilar ushbu uchrashuvda ishtirok etmadi. Lekin ular keyingi uchrashuvga tayyor bo'lishadi. Keyingi o'yinda Yaratgan bizni jahon chempionatiga olib chiqishiga umid qilaman.

- Bugungi turnirning jamoangiz uchun bo'lgan foydasi haqida gapirib o'tsangiz?

- Bu katta tajriba. Biz har bir uchrashuvda har xil raqiblar bilan o'ynadik va katta tajriba orttirdik va eng muhumi guruhdan chiqdik, maqsadimiz - jahon chempionatiga esa bir qadam qoldi.

- Futbolchilaringiz juda ko'p vaziyatlardan foydalana olmadi, bunga sabab nima?

- Muammo shundaki, murabbiy har doim o'yinchilarga qanday gol urishni o'rgatishi kerak, lekin futbolchilarga maydonda murabbiy yordam bera olmaydi. Turnir oldidan bir qancha o'rtoqlik uchrashuvlarida qatnashdik va ko'plab gol urdik, lekin turnirda bizni nima jin urdi bilmayman. Bu muammoni iloji boricha tezroq hal qilishga harakat qilamiz.

- Chorak finaldagi raqib jamoa Eron haqida fikr bildirib o'tsangiz. Eron futboli jismoniy tomonlama kuchli ekanligi bilamiz. Iroq terma jamoasi keyinga raqibga qarshi qanday tayyorgarlik ko'rmoqchi?

- Pley-offdagi barcha jamoa juda kuchli. Men Eron klublarida o'ynaganman va u er futbolining kuchini bilaman. Ularga qarshi o'yinga yaxshi tayyorgarlik ko'rishga haraqat qilamiz. Kim kuchliroq bo'lganini o'yinda ko'ramiz va o'sha kuni kuchliroq bo'lgan jamoa yarim finalga yo'l oladi.

Iroq bosh murabbiyi: "Eron? U erda o'ynaganman va darajani bilaman"