Иско "Реал"даги 9 йиллик фаолиятидан кейин 2022 йилнинг ёзида "Севилья"га ўтганди. Бироқ у клуб спорт директори Мончи билан жанжаллашиб қолганидан кейин "Севилья"дан кетишга мажбур бўлди.

- "Севилья"да бахтиёр эдим. Ҳа, қийин даврларни ўтказаётгандик. Бироқ олдинга ҳаракат қила олишимизни билардим ва якунда шундай бўлди ҳам.

Аммо барчаси ҳам матбуотда ёзилаётгандек каби эмас. Севильядагиларнинг фикрича, мен барчани ташлаб қочгандекман. Бироқ мен ундай футболчи эмасман. "Реал"да узоқ вақт ўйнаб, таслим бўлмасликни ўргандим ва асосий таркиб учун доимо кураш олиб бордим. Баъзида ишлар яхши кетарди, баъзида эса йўқ. Аммо ҳеч қачон ташлаб қочмаганман.

Уйга оғир ҳиссиётлар билан қайтдим. Лопетеги қўнғироқ қилиб, бу ерда яхши жамоа борлигини ва менинг хизматларимга қизиқиш билдираётгани сабабли бу ерга ўтгандим. Жуда ҳаяжонланиб кетгандим.

"Реал"даги маошимни инобатга олсак, маошим 4 баравар камайишига ҳам рози бўлдим. Клубга ўтганимдан кейин менга трансферга Мончи қарши бўлганлигини айтишди. Бироқ мен ўзимга ишонган мураббий учун футбол ўйнашни истадим, бироқ ишлар...

Тасаввур қилинг, мен қандай ҳолатда уйга қайтганман. Севильяга 4 ой олдин уч фарзандим билан келгандим, бироқ энди келажагим қандай бўлишини ҳам билмайман. Қийин, аммо кучли бўлиш ва келажакка ижобий қараш керак эди.

- Шундай ҳолатдан кейин йиғламадингизми?

- Йўқ. Ўзимдан афсусландим. Доимо футболдан завқ олганман, совринлар ютганман. Спортнинг бу тури билан яшаганман.

Ҳа, жуда қаттиқ хафа бўлгандим. Лекин бунга эътибор бермасликка ҳаракат қилдим. 31 ёшдаман, ҳали анча вақт футбол ўйнашим керак ва шу сабабли меҳнат қиляпман, - деди Иско.

Иско "Севилья"да маоши қанчага пасайганини ва ким сабабли клубдан кетганини айтди