Jamoaga norvegiyalik Erling Xoland kelganidan so'ng ispaniyalik futbolchi jamoadagi o'rniga shubha bilan qaramoqda. Qayd etish kerakki, o'yinchi ketishni xohlayotgani haqida klubni ogohlantirdi.

Futbolchi ikkinchi davrada muvaffaqiyatli o'ynash uchun Ispaniyaga qaytishni xohlamoqda va Evro-2020 uchun terma jamoa tarkibiga kirmoqchi. Xabar qilinishicha, forvardning xizmatlariga u bilan muzokaralar olib borgan "Atletiko" klubi qiziqish bildirmoqda.

Ammo, PSJ hujumchisi Edinson Kavanining poytaxt klubiga o'tishi mumkinligi sabab transfer amalga oshmay qolishi mumkin.

26 yoshli Alkaser joriy mavsum "Borussiya" tarkibida 15ta o'yinda maydonga tushib, 7ta gol va 2ta assist qayd etdi.

Eslatib o'tamiz, Pako 2014 yildan buyon Ispaniya terma jamoasi sharafini himoya qiladi.

Ispaniya terma jamoasi hujumchisi "Atletiko"ga o'tishi mumkin