Ён қўшниларимиз кимсан Осиё гранди "Ал Ҳилол"ни 4:1 ҳисобида тор-мор этишди. Ўйиндан кейинги матбуот анжуманида "Истиқлол" бош мураббийи Мубин Эргашев қуйидаги фикрларни билдирди.

- Биринчи навбатда барча тожик футболи мухлисларини ушбу ғалаба билан табриклайман. Бу ўйинда жамоамиз жуда чиройли ҳаракат қилиб, якунда ўз мақсадимизга эришдик. Футболчиларга ҳам катта раҳмат, шогирдларим ўйиндан олддин берилган кўрсатмаларни тўлиқ бажаришди. Шунингдек, Виталий Левченко билан биргаликда барча мураббийлар штабимизга ҳам миннатдорчилик билдираман.

- Ўйиндан олдин рақибни диққат билан ўрганиб чиққандик ва шунга кўра режа белгиладик. "Ал Ҳилол" - кучли жамоа, лекин бу футбол ва исталган рақиб билан ўйнаса бўлади. Бу ғалабадан сўнг бизда кейинги босқичга чиқиш учун ажойиб имконият юзага келди. Энди навбатдаги икки учрашувни кўтаринки руҳда ўтказишга ҳаракат қиламиз.

"Истиқлол" бош мураббийи Мубин Эргашев: "Тарихий ғалаба билан барчани табриклайман"