Yon qo'shnilarimiz kimsan Osiyo grandi "Al Hilol"ni 4:1 hisobida tor-mor etishdi. O'yindan keyingi matbuot anjumanida "Istiqlol" bosh murabbiyi Mubin Ergashev quyidagi fikrlarni bildirdi.

- Birinchi navbatda barcha tojik futboli muxlislarini ushbu g'alaba bilan tabriklayman. Bu o'yinda jamoamiz juda chiroyli harakat qilib, yakunda o'z maqsadimizga erishdik. Futbolchilarga ham katta rahmat, shogirdlarim o'yindan olddin berilgan ko'rsatmalarni to'liq bajarishdi. Shuningdek, Vitaliy Levchenko bilan birgalikda barcha murabbiylar shtabimizga ham minnatdorchilik bildiraman.

- O'yindan oldin raqibni diqqat bilan o'rganib chiqqandik va shunga ko'ra reja belgiladik. "Al Hilol" - kuchli jamoa, lekin bu futbol va istalgan raqib bilan o'ynasa bo'ladi. Bu g'alabadan so'ng bizda keyingi bosqichga chiqish uchun ajoyib imkoniyat yuzaga keldi. Endi navbatdagi ikki uchrashuvni ko'tarinki ruhda o'tkazishga harakat qilamiz.

"Istiqlol" bosh murabbiyi Mubin Ergashev: "Tarixiy g'alaba bilan barchani tabriklayman"