Italiya – Albaniya 2:1
"Signal Iduna Park" stadioni
Gollar: 0:1 – 1 Bayrami, 1:1 – 11 Bastoni, 2:1 – 16 Barella.

Italiya – Donnarumma, Di Lorenco, Bastoni, Kalafori, Dimarko (Darmian, 83), Jorjino, Barella (Folorunsho, 90), Frattezi, Pellegrini (Kristante, 77), Keza (Kambyazo, 77), Skamakka (Retegi, 83).

Albaniya – Strakosha, Xyusay, Jimshiti, Ayeti, Mitay, Bayrami (Muchi, 87), Ramadani, Aslani, Asani (Xoja, 68), Seferi (Lechi, 68), Broya (Manay, 77).

Ogohlantirishlar: Pellegrini (21), Kalafori (51), Broya (51), Xoja (74).

Ushbu sahifada uchrashuvning matnli translyaciyasini kuzatishingiz mumkin bo'ldi.

YANGILASH

Bo'ldi, hakamning final hushtagi yangradi va Italiya irodali, ishonchli g'alabani tantana qiladigan bo'ldi.

90-daqiqa. O'yinning asosiy vaqtiga 4 daqiqa qo'shib berildi.

85-daqiqa. Italiya to'pni nazorat qilmoqda.

80-daqiqa. Bastoni ustalik bilan harakat qilib, raqib futbolchisi to'pga etishiga imkon qoldirmadi.

77-daqiqa. O'zgarishlar! Keza va Pellegrini o'rniga Andrea Kambyazo hamda Brayan Kristante tushirildi.

75-daqiqa. Albaniya oldinga o'tish ilinjida.

68-daqiqa. O'zgarishlar! Asani o'rniga Arber Xoja, Seferi o'rniga esa Kazim Lechi o'yinga qo'shildi.

66-daqiqa. Dimarkoning uzatmasidan keyin uzoq burchakda Di Lorenco gol urishi mumkin edi.

64-daqiqa. Italiya raqibning hujumini avvalidayoq to'xtatib, zararsizlantira oldi.

60-daqiqa. Keza to'pga ajoyib tarzda aylanma yo'nalish bera oldi, lekin bu gol uchun etarli bo'lmadi.

58-daqiqa. Italiya to'pni nazorat qilmoqda. Chapdan oldinga o'tishga urinib ko'rishdi, lekin bu amalga oshmadi.

Futbolchini hattoki epizoddan keyin qayd etilgan offsayd ham oqlash uchun asos bo'la olmaydi.

56-daqiqa. Qanday qilib? Fratezzi yana bir qulay imkoniyatni ko'kka sovurmoqda.

52-daqiqa. Ogohlantirish! Hakamga yana nimalardir degani uchun Armando Broya ham ogohlantirildi! Yangi qoidalarga ko'ra bosh hakam bilan faqatgina sardorlar suhbatlashishi mumkin.

51-daqiqa. Ogohlantirish! Rikardo Kalyafioriga raqibga nisbatan fol ishlatgani uchun sariq ko'rsatildi.

46-daqiqa. Ikkinchi bo'lim boshlandi!

45+4-daqiqa. Bo'ldi, ayni shu pallada Feliks Cvaer birinchi bo'lim yakunlanganini bildiruvchi hushtagini chaldi. Hozircha Italiya oldinda.

To'pga egalik qilish bo'yicha ko'rsatkich 70% - 30% Italiya foydasiga.

45+3-daqiqa. Elseid Xyusay "podkat"da to'pni jamoasiga olib berdi.

45+2-daqiqa. Ajoyib kombinaciyadan keyin jarima maydonchasiga yorib kirgan Pellegrini boshi bilan gol urishi mumkin edi. Ammo, lekin, biroq... Yarim himoyachining urinishiga biroz aniqlik etishmadi.

45-daqiqa. To'rtinchi hakam birinchi bo'limning asosiy vaqtiga 3 daqiqa qo'shib berilganini malum qildi.

44-daqiqa. Asani (Albaniya) markazroqqa o'tib bordi va kuchli zarba yo'lladi, biroq noaniq.

40-daqiqa. Skamakka yaxshi imkoniyatga ega bo'ldi va oradagi farqni ikkita to'pga oshirib qo'yishi mumkin edi. Biroq uning zarbasini Tomas Strakosha qaytardi.

37-daqiqa. Italiya to'pni o'z nazoratida ushlab turibdi.

33-daqiqa. Skamakkkaning nozik pasidan keyin Davide Fratezzi qulay imkoniyatdan unumli foydalana olmadi. Uning zarbasidan keyin to'p darvoza ustuniga tegib, maydonga qaytdi.

31-daqiqa. Federiko Kezaning uzatmasidan keyin Lorenco Pellegrini chalqancha uslubda zarba berishga urindi, lekin niyatiga eta olmadi.

29-daqiqa. Uzatmadagi xato tufayli Italiya hujumi oxiriga etmay qoldi. Di Lorenco esa raqib qarshi hujumga qochib ketmasligini taminladi.

25-daqiqa. O'yin tempi biroz pasaygandek. Italiya o'zi istagan natijaga etib olgach, shoshilmayapti.

21-daqiqa. Ogohlantirish! Di Markoning uzatmasidan keyin Albaniya qarshi hujumga qochib ketdi. Natijada, taktik fol ishlatishga majbur bo'lgan Pellegrini sariqqa loyiq ko'rildi.

20-daqiqa. Keza burchak zarbasi ishladi.

18-daqiqa. Bo'ldi, hammasi joyida va gol inobatga olindi.

17-daqiqa. "VAR" ishga aralashishi mumkin. Golda hech qanday qoida buzilishi yuz bermaganmi, tekshirish ishlari olib borilmoqda.

16-daqiqa. GOOOOOOL! Nikola Barella o'ng oyoqda aniq zarba berdi va endi italiyaliklarni hisobda oldinga olib chiqmoqda.

Xo'sh, buyog'iga o'yin qanday tus oladi. Nima bo'lganda ham dastlabki daqiqalar bizga manzur kelmoqda.

11-daqiqa. GOOOOOOOL! Alessandro Bastoni boshi bilan aniq zarba yo'llab, hisobni tenglashtirdi!

9-daqiqa. Albaniya terma jamoasi ketma-ket ikki bor burchak zarbasi amalga oshirdi. Biroq ish yakuniy zarbagacha etib bormadi.

8-daqiqa. Jovanni Di Lorenco jarima maydonchasiga yo'naltirilgan uzatma yo'liga to'g'anoq bo'ldi.

6-daqiqa. Italiya raqib darvozasi tomon yo'l izlamoqda. Muntazam ravishda bosim va to'p nazorati guvohi bo'lyapmiz.

3-daqiqa. Italiya darhol javob berishi mumkin edi. Biroq o'ng qanotdan rivojlantirilgan hujumni Pellegrini aniq zarba bilan yakunlay olmadi.

GOOOOOL! Uchrashuv 0:1 hisobidan boshlandi desak ham bo'lavueradi. Nedim Bayrami ilk daqiqadayoq jamoasini hisobda oldinga olib chiqdi.

1-daqiqa. O'yin boshlandi! Uni Albaniya terma jamoasi boshlab berdi.

Italiya davlat madhiyasi yangramoqda.

Jamoalar maydonga tushib kelishdi.

Asosiy tarkiblar:

Italiya: Donnarumma, Bastoni, Di Lorenco, Dimarko, Kalafori, Barella, Jorjino, Frattezi, Pellegrini, Keza, Skamakka.

Albaniya: Strakosha, Xyusay, Jimsiti, Mitay, Ayeti, Aslani, Ramadani, Bayrami, Asani, Seferi, Broya.

Evro-20024. Italiya iroda ko'rsatib, Albaniyani mag'lub etdi