Унда Миланнинг “Интер” клуби ўз майдонида Римнинг “Лацио” жамоасини қабул қилди. “Сан-Сиро” стадионида ўтказилган учрашув кутилмаганда “Интер”нинг 1:2 ҳисобидаги мағлубияти билан якунланди.

Римликлардан киритилган голларга Фелипе Андерсон ва Лукас Билья, “Интер”дан эса Марсело Брозович муаллифлик қилишди. Ҳар икки жамоадан ҳам бир нафардан футболчига қизил карточка кўрсатилди.

Ўйиннинг 54-дақиқасида “Интер” ҳимоячиси Жоао Мирандага тўғри-тўғри қизил карточка кўрсатилган бўлса, 76-дақиқада “Лацио” ҳимоячиси Штефан Раду иккинчи огоҳлантириш эвазига четлатилди.

Энди “Лацио” ярим финалда “Рома” - “Чезена” учрашуви ғолиби билан тўқнаш келади. Бу ўйин бугун ўтказилади. Иккинчи ярим финалда эса “Ювентус” ва “Наполи” жамоалари учрашишади.

Италия Кубоги. “Лацио” меҳмонда “Интер”ни мағлуб этди ва 1/2 финалга чиқди