Ushbu uchrashuvda "Yuventus" favorit hisoblanadi. "Keksa sinora" ichki chempionatining birorta o'yinida ham mag'lub bo'lmadi.

Italiya Chempionatida turinliklarga teng keladigani yo'q. Allegri shogirdlari 19ta turdan 17tasida g'alaba qozonib, "Jenoa" va "Atalanta" bilan durang o'ynadi, xolos. Eng kam gol o'tkazib yuborgan (11ta) jamoa, 38ta gol urdi. Buni taqqoslaydigan bo'lsak, "Milan"da ushbu ko'rsatkich ancha past – 20ta to'p o'tkazib yuborilgan va 26ta gol. "Rossonerilar" durang o'ynashni yoqtiradi. 7ta o'yin durang natija bilan yakunlangandi.

Turinliklar hozirda ichki chempionat va Chempionlar Ligasiga ko'proq etibor bermoqda. Superkubokni qo'lga kiritish uchun esa jon berib kurashmasliklari mumkin. Shuning uchun, "Milan" sovringa ega chiqishi uchun imkoniyati ancha yuqori.

Italiya Superkubogi uchun kurash boshlandi