- Ikkinchi davraga tayyorgarlik qanday kechmokda va birinchi davradan qanday hulosalar chiqardingiz?

- Biz Jizzaxda yig'in o'tkazayapmiz, bizga barcha sharoitlarni yaratib berishdi. Birinchi davrada yaxshi natijaga erisha olmadik, lekin sifatli o'yin namoyish etdik.

- "So'g'diyona" siz istagan jamoa darajasiga qachon etib keladi? Yani siz hoxlagan taktika va o'yin falsafasi...

- Biz namoyish etayotgan o'yin sifati, biz erishayotgan natijaga to'g'ri kelmaydi, lekin ishonchim komil, biz to'g'ri yo'nalishda ketayapmiz.

- Siz "So'g'diyona"ni qabul qilib olganingizdan so'ng, jamoa o'yini yaxshi tomonga o'zgardi, lekin "OKMK", "Nasaf" va "Surxon" jamoalariga qarshi uchrashuvlarda nima bo'ldi?

- Jamoa o'sishga erishdi, lekin realizaciya tomondan ko'p muammolarga uchradik. So'ngi uchrashuvlarda esa, etakchi o'yinchilarimiz tarkibda yo'qligi asosiy halaqit berdi.

- Yangi legionerlar jamoaning tarkibini kuchaytirish uchun olib kelindimi yoki jamoa raqobat darajasini ko'tarish uchunmi? Lyupche Doriev va Radulovichlarni o'zingiz jamoaga taklif etdingizmi yoxud sizga u futbolchilarni taklif etishdimi?

- Bir tarkibni ham, raqobatni ham kuchaytirdik. Dorievni menga maslahat sifatida taklif etishgan edi va men uni so'ngi 6 oy davomida kuzatib bordim. Radulovich mening jamoamda o'ynagan va men uning qanday futbolchiligini bilaman.

- "So'g'diyona" bir nechta yosh futbolchilarni "Bunyodkor"dan olgan edi. Jizzaxda ham yosh talantlar bormi?

- Biz jamoani haqiqatdan ham kuchaytira oladigan futbolchilarni o'z safimizga qo'shib olganmiz. O'zbekistonda talantlar ko'p, Jizzax ham bundan istisno emas. Yosh futbolchilar o'zini namoyish etishni boshlamoqda. Bunday yosh va talantli futbolchilar bilan ishlash juda yoqimli.

- Ikkinchi davradan so'ng, turnir jadvalidagi qaysi o'rin "So'g'diyona" uchun qoniqarli bo'ladi?

- "So'g'diyona" har bir raqibga qarshi g'alaba qozonish uchun maydonga chiqadi. Bizni o'rtacha natijalar qoniqtirmaydi. Bizning asosiy vazifamiz, "So'g'diyona"ni turnir jadvalining yuqori o'rinlariga qaytarish. To'g'ri bu oson vazifa emas, lekin men o'z futbolchilarimga va ular ko'rsatayotgan o'yin sifatiga ishonaman.

Ivan Boshkovich: "Bizni o'rtacha natijalar qoniqtirmaydi"