"O'yin engil o'tdi deya olmayman. Birinchi bo'lim biz kutgandek o'tmadi. Yomon o'yin ko'rsatmadik, lekin yigitlar oddiy xatolar qilishdi. Ayrim poziciyalarda pas oshirishlarda xatoliklar qildik. Bunday xatolar bo'lishini istamagandim. Birinchi bo'limda yaxshiroq vaziyatlar ham yarata olmadik. Ikkinchi bo'limda pozicion o'zgarishlar qildik. Termadan qaytib kelgan Yovovichni ham qiynamaslikni istagandik. U biroz betob edi, shunday bo'lsa-da, jamoaga yordam berishni istadi, gol ham urdi. Ikkinchi bo'limda butun bir jamoa yaxshi o'ynadi, o'yinni qo'sha oldik. Pressingni, ishtiyoqni kuchaytirdik, raqib yarim maydoniga tezda o'tishga harakat qildik. Shu orqali to'pni tezroq harakatlantirdik. Gol urish uchun etarlicha vaziyatlar yarata boshladik. Bu g'alaba biz uchun muhim bo'lgandi, chunki 2-o'rin uchun hali imkoniyatlarimiz bor. Medallar uchun oxirigacha kurashish kerak. Muxlislarimiz ham o'yindan mamnun bo'lishdi deb o'ylayman. Bugun nafaqat g'alaba qozondik, balki, yuqori darajali o'yin namoyish qildik, bu meni xursand qiladi. Yil boshidagidan ko'ra farq juda katta. Tarkibdagi barcha futbolchilar o'zgargan. Hamma o'ynamoqda, jamoaga yordam bermoqda. Biz to'g'ri yo'ldamiz deb o'ylayman", - dedi Boshkovich.

Ivan Boshkovich "Lokomotiv"ga qarshi o'yinda Yovovich asosiy tarkibda tushmaganini aytdi