Ushbu uchrashuvdan so'ng terma jamoamizning etakchilaridan biri Ixtiyor Ropiev fikrlari bilan o'rtoqlashdi.

"Avvalgi ikki uchrashuvdagi mag'lubiyatdan so'ng oxirgi o'yinda g'alaba qozonmasak bo'lmasdi. Misr bilan qiyin o'yin bo'ldi. Bizda ham, ularda ham imkoniyat yuzaga keldi. Faqatgina, g'alaba orqali keyingi bosqichga chiqish mumkinligini tufayli oxirigacha kurashdik. Vatanimiz va xalqimiz uchun ham bizda orqaga yo'l yo'q edi. G'alaba uchun ishtiyoq bilan kurashib, yakunda g'alaba qozondik", - dedi Ropiev.

- Ilgari Misrga qarshi o'ynab, yirik g'alaba qo'lga kiritilgan. Bu galgi o'yin avvalgisidan farq qildimi?

- Ha, albatta. O'tgan gal kichik xalqaro musobaqada to'qnash kelgandik. Hozir jahon chempionatida to'p tepmoqdamiz. Shu jihatidan o'yinga bo'lgan masuliyat boshqacha edi. Misr ham o'yin davomida bizga etarlicha qarshilik ko'rsatdi. Bosim uyushtirib, g'alabani qo'lga kiritish niyatida ekanligini yashirib o'tirmadi.

- Sizningcha, terma jamoamiz keyingi o'yinda kim bilan o'ynagani maqul?

- Raqib tanlamaymiz. Kim bo'lsa ham, maqsadimiz – g'alaba qozonish. Argentina yoki Eronga qarshi o'ynaganmiz. Ikkisi borasida ham bizda malumotlar bor. Menga qolsa, Eron bilan to'qnash kelsak, yaxshi bo'lardi.

Ixtiyor Ropiev: “Argentina va Eron borasida malumotlarimiz bor”