Учрашувдан сўнг меҳмонлар бош мураббийи Жаҳонгир Абдурашидов фикрларини билдириб ўтди.

"Тўғриси футбол кўрмадим. Уч нафар ҳакамни кўрдим, холос. Про лигада шундай бўлаётган бўлса билмадим. Ўйинни қайтадан кўриб чиқмаса бўлмайди. Йигитлар совуқда меҳнат қилиб майдонга чиқмоқда, уч нафар ҳакам ўйин тақдирини ҳал қилмоқда. Кўзимни олдида қанот ҳаками икки маротаба ўйиндан ташқари ҳолатда байроғини кўтармади. Балки атайлаб "Хоразм" жамоаси учун ўзгартириб беришдими ҳакамни? Бу футбол эмас. Бутун мавсум яхши ўтди, лекин шу вақтгача бундай ҳакамликни кўрмагандим. Тўғриси ҳайрон қолдим. Бундай бўлишини кутмаган эдим. Йигитлар анча ўзига келиб қолганди, ўйинимиз ҳам чиқаётганди. Бўлмаса кеча яқинда ҳакамлар ҳақида қарор қабул қилишди. Шундан кейин ҳам бу ҳолат бўляпти.

Буёғи қарорни ҳомийлар қабул қилади. Режалар ўзгариб кетсак керак",- дейди Абдурашидов.

Жаҳонгир Абдурашидов: "Майдонда ўйинни эмас фақат уч нафар ҳакамни кўрдим. Бу футбол эмас"