- Italiya terma jamoasi bosh murabbiyi sifatida ish boshlayotganimdan va "skuadra adzurra"ni boshqaruvida bo'lib turganimdan faxrlanaman.

Antonio Kontega menga ajoyib jamoani qoldirib ketgani uchun minnatdorchilik bildiraman. Meni oldimda ko'p vaqt yo'q. Shu bois jangga tayyor va yaxshigina "qurollangan" jamoani qabul qilib olish menga qo'shimcha ustunlik beradi. Bu jihat albatta foydaga ishlashi kerak.
Evropa chempionati jamoa manfaati va oliy maqsad yo'lida birlashish katta muvaffaqiyatlarning "kaliti" bo'lib xizmat qiladi.

Har qanday o'yin uslubidan to'g'ri foydalanilsa, bu albatta o'z mevasini beradi. Qachonki sen bir ishni to'g'ri bajarmasang, unda hech qanaqasiga zafar qucha olmaysan.

Kerakli natijaga erishmoqchi bo'lsang, unda individual mahoratga emas, jamoaviy o'yinga ishonmoq lozim. Barcha bir yo'lda birlashib harakatlanmog'i zarur bo'ladi.

Konte tanlagan uslub natija ko'rsatish uchun juda muhim edi. Biz endi buni yanada yaxshilash ustida bosh qotiramiz.

Mening o'yin sxemam? Futbolda bir xillik bo'lmaydi. Bu sport turida rang-baranglik muhim. Italiya terma jamoasida hozirgi kunda bir qator vinger futbolchilar mavjud.
Dastlabki maqsad va vazifa bu Rossiyada bo'ladigan mundialda qatnashish. Buning uchun esa JCH-2018 yo'llanmasini qo'lga kiritish lozim.

Asta-sekinlik bilan o'sib borishimiz uchun biroz sabr kerak bo'ladi.

Barcali? Men hali ushbu futbolchi bilan gaplashganim yo'q. Shunisi aniqki, Andrea terma jamoa uchun mos tushadigan himoyachi. Lekin 33-34 yoshli futbolchi yaqin 1-2 yilda foyda berishi mumkin, ammo kelajak uchun emas.

Ayni paytda Italiyada kelajagi porloq yoshlar bor. Masalan Romanoli.

Balotelli? Mario bilan ham boshqa futbolchilar bilan qanday munosabat qilsak shunday bo'lib qolaveradi. Avvalo Balotelli o'ynashi kerak va professional bo'lmog'i darkor.

Men buyog'iga faqat Evropa chempionatida qatnashgan futbolchilarga emas, boshqa bir qator nomzodlarga ham etibor qarataman. Markizio, Veratti, Perin va Donnarumma singari futbolchilar ham terma uchun muhim sanalishadi.

Jampero Ventura ishtirokidagi matbuot anjumani