Toshkentning “Paxtakor” klubi futbolchisi Jamshid Boltaboev ertangi o'yin oldidan termamiz azolariga omad tiladi va mustaqilligimizning 25 yilligi bayrami bilan O'zbekiston xalqini muborakbod etdi.

“Milliy terma jamoa yig'inlarida ishtirok etganim uchun ertaga termamiz futbolchilari Suriya termasiga qarshi qanday o'yin ko'rsatishlarini bilaman. Termamizning ichki muhiti juda ham alo darajada. Yoshi katta futbolchilar o'zidan kichik bo'lgan jamoadoshlariga kerakli bo'lgan maslaxatlarni berishadi. Ertangi o'yin uchun 20 avgustda tayyorgarlik boshlangan edi. 24 afgust kuni Afrikaning Burkina-Faso termasiga qarshi nazorat uchrashuvini o'tkazishdi. O'sha bahsda ham yomon o'yin ko'rsatishmadi deb o'ylayman. O'rtoqlik o'yini bilan rasmiy o'yinni farqi bo'ladi. Muxlislar bilan birga O'zbekiston milliy terma jamoasini qo'llab-quvvatlab tursak vakillarimiz bizga g'alabani taqdim etishadi. Terma jamoamizga ertangi o'yinda faqat omad tilab qolamiz. Termamiz guruhdagi ilk uchrashuvni o'z uyida o'tkazyapti. Ertaga g'alaba qozonishsa nur ustiga alo nur bo'lar edi. Mustaqilligimizning 25 yilligi uchun ham ajoyib sovg'a bo'ladi. Ilk bahsdagi g'alaba kelgusi o'yinlarda juda katta kuch bag'ishlaydi. Mustaqilligimizning 25 yilligi bilan butun O'zbekiston axlini chin qalbimdan tabriklayman. Har doim yurtimiz tinch va osoyishta bo'lsin. Barchani mustaqillik bayrami bilan chin qalbimdan tabriklayman” - deydi “Paxtakor” klubi futbolchisi Jamshid Boltaboev

Jahongir Sotvoldiev

Jamshid Boltaboev: “Ertangi o'yindagi g'alaba mustaqillik bayrami uchun ajoyib sovg'a bo'ladi”