- O'yin haqida

- Avvalo, mavsum starti bilan futbol ahlini tabriklayman. Birinchi taymda yaxshi o'ynadik, ikkinchi taymdagi o'yinimiz esa biroz ranjitdi. G'alabadan mamnunman. Muxlislarga esa alohida rahmat aytaman.

- “Qizilqum” 10 ballik tizimda hatto 15 ballga loyiq o'yin ko'rsatdi. Jamoada zaxira o'rindig'i tor. Shu haqda nima deya olasiz?

- Ha, bugun zaxiradan tushganlar o'yinni kuchaytirishmadi. Zaxiradan tushganlar yosh bo'lganliklari uchun uncha o'xshamadi.

- “Bunyodkor” haqida nima deya olasiz?

- Bunyodkor kuchli raqib. Bugun ularning legionerlari yaxshi o'yin ko'rsata olishmadi.

- Ayrim poziciyalarda futbolchilarni o'z joyida o'ynatmadiniz. Masalan, Azizbek Usmonov va Sherzod Fayzievni…

- Ha, ularni boshqa joyda o'ynatishga qaror qildim. Umuman olganda, ular boshqa poziciyalarda ham o'ynay oladi. Bu tabiiy hol.

- 65-daqiqadan so'ng jamoa charchab qolgandek tuyuldi…

- Ha, bu sezildi. Masalan, zaxiradan tushganlar o'yinni kuchsizlantirishdi.

- Lobjanidze va G'iyosov qachon safga qaytishadi?

- Ular hozirda jarohatlarini davolash bilan band. Tez oraada ularni maydonda ko'rasiz.

Jamshid Saidov: "Bugun "Bunyodkor" legionerlari yaxshi o'yin ko'rsata olishmadi"