O'yin haqida

- O'yinning borishi biz kutgandek o'tdi va natija ham qanoatlantirdi. Guruhdan chiqdik, kurashishda davom etamiz.

- Kubokdagi 3ta o'yin qanday taassurot qoldirdi?

- Dastlab o'zimizdan past ligada bo'lgan "Olimpik Mobiuz"ga qarshi o'ynadik va o'shanda yoshlarga imkoniyat berdik, 2:1 hisobida mag'lub bo'ldik. Ikkinchi o'yinda tarkibni o'zgartirdik. Nima desam bo'ladi, pastki liga vakillari bilan o'ynash juda qiyin, chunki ularda ishtiyoq yuqori bo'ladi, Superliga vakillari esa bo'shashibroq o'ynashadi. Shu sababli kubok o'yinlarida asosan yoshlar maydonga tushishadi va bu ularga tramplin vazifasini o'taydi. Shu sababli yoshlar bu o'yinlarda o'zlarini ko'rsatib, nimalarga qodirligini namoyish qilishlari kerak. Bu esa keyinchalik ularga imkoniyat berilishi uchun xizmat qiladi. Barchasi yaxshi o'tdi, oldimizga qo'yilgan vazifani bajardik.

- "Lokomotiv" Sizga begona klub emas, "Qizilqum"ga ketishingizga qadar bu klubda ishlagansiz.

- "Lokomotiv" men uchun qadrdon klub. Bu erda ishlaganman, yaxshi xotiralar, xissiyotlar qolgan. Shu sababli bu erga kelish, tanishlarni ko'rish yoqimli. Bu erda uzoq vaqt ishlaganman, bu klubdan mamnunman. "Lokomotiv"ga chempionatdagi o'yinlarda omad tilayman.

Jamshid Saidov: "Vazifani bajardik"