"Birinchi navbatda bugungi o'yinga puxta tayyorgarlik ko'rgandik. Biz "Andijon" qanday o'ynashidan xabardor edik. Andijondan bir ochko bilan qaytayotganimiz yaxshi. Bunday muxlislar oldida o'ynash oson emas. O'zimizning muxlislarga ham rahmat, ular uzoq yo'l bosib kelishdi. Bugungi o'yindagi ishtiyoq va kurash uchun futbolchilarimdan minnatdorman", - dedi Jamshid Saidov.

- "Qizilqum"ning asosiy tarkib futbolchilari G'iyosov va Kuxianidze bugungi uchrashuvda maydonga tushishmadi. Ushbu holat jamoangiz o'yiniga qanchalik tasir o'tkazdi?

- Jarohat va sariq kartochkalar tufayli ular bugungi bahsni o'tkazib yubordilar. Bu o'z so'zini aytdi.

- Ikkinchi taymda maydonga tushirilgan Bobomurod Bozorov yana zaxiraga olindi. Bunga nima sabab bo'ldi?

- Bu taktik o'zgarish edi.

- Joriy mavsum Kubokda va Superligada "Qizilqum" "Andijon"ni mag'lub eta olmadi. Bunga nima sabab bo'ldi deb o'ylaysiz?

- Biz Xomyakov bilan uzoq vaqt davomida birga ishlaganmiz. "Andijon" jamoasini ham juda yaxshi taniyman. Biz nazorat o'yinida ham jangovar durangga imzo chekkandik. Bu raqobat. Superligadagi raqobat yildan-yilga o'sib bormoqda.

- "Qizilqum" bugun bir ochkoni qo'lga kiritdimi yoki ikki ochko yo'qotdimi?

- Menimcha bir ochko qo'lga kiritdik.

Jamshid Saidov: "Xomyakov bilan uzoq vaqt davomida birga ishlaganman. Bugun bir ochkoni qo'lga kiritdik"