"Ўйин ҳақида нима ҳам айтишим мумкин, 2:0 ҳисобида олдинда бораётиб ёш болаларча хатоларга йўл қўйдик. Якунда ҳисоб 2:2 кўринишига келди. Йигитлар ҳаракат қилишмоқда. Тўп билан олдинга кўпроқ ўйнашмоқда. Мураббий сифатида биринчи ўринда ўйинга эътибор беряпман. АГМК, "Насаф"га қарши баҳсларда ўйин бўйича мағлубиятга учрамадик. Хатолао футболда бўладиган ҳолат. Лекин характер ҳам бўлиши керак. "Навбаҳор" сафида ҳам футболчилар меҳнат қилмоқда",- дейди Жасур Абдураимов.

- "Навбаҳор"ни қай даражада ўрганган эдингиз? Жамоа яхши ўйнаб турганда 2та гол ўтказиб юборди...

- Айтганимдек "Навбаҳор"ни ўрганиб чиққан эдик. Тактик томондан ютқазмадик. Кимдир охиргача югурмади.

- Дониёр Нарзуллаев сўнгги учрашувларда майдонга тушмаётгани нима билан боғлиқ?

- Футболда биринчи ўринда характер бўлиши керак. Характер бўлса, машғулотда ўзини кўрсатса эртагаёқ асосий таркибда ўйнайди. Мен бу нарсани кўрмаяпман. Мен шу жиҳатларни кўрсам ўйнайди.

- "Металлург" кейинги турда "Турон" майдонига сафар қилади. Бу борада фикрларингиз қандай?

- Мураббий сифатида "Металлург"га жавоб бераман. Хурсанд қилаётгани йигитлар ҳаракат қилмоқда. Замонавий футбол ўйнашмоқда. Кўраётган бўлсангиз "Навбаҳор"га ҳамма ҳам 2та гол ура олмайди.

Иқтидорли ёш футболчилар бор. Уларга 1-2 йил вақт керак. Асосий таркибга тайёр бўлса ёшини аҳамияти йўқ.

Жасур Абдураимов: "2:0 ҳисобида олдинда бораётиб ёш болаларча хатоларга йўл қўйдик"