- Ўйин жиҳатдан "Насаф"га мақтовли сўзларни айтишим мумкин. Улар замонавий футбол намойиш этишади. "Насаф" мураббийлар штабини алоҳида ажратиб кўрсатишим мумкин. Улар танлаган ўйин услуби чиройли. Биз бугун характер кўрсатдик ва муҳим ғалабага эришдик. Футболчилар бугун майдонда борларини бериб ҳаракат қилишди.

- Терма жамоадаги ўйини туфайли Сергеев, Лобанов, Андреев сингари футболчиларга танқид анча кучайган. Ушбу босим уларни чарчатиб қўймаяптими?

- Бу ҳақида ўйлайверса, одам ақлдан озиши мумкин. Шуни айтишим мумкинки, улар айни пайтда бизнинг жамоада энг яхшилар саналишади. Бизда бошқа танлов ҳам йўқ.

- Беҳруз Саъдиллаевнинг дебюти ҳақида қандай фикрдасиз?

- Футболда психология жуда муҳим. Бугун Саъдиллаев ўйинга жуда яхши киришиб кетди. Қийин паллада майдонга тушишига қарамасдан майдонда йўқолиб қолмади. Беҳруз Саъдиллаев ҳақида жуда илиқ фикрдаман.

- Шота Арвеладзенинг жамоа рулига келиши ҳақида миш-мишларга қандай қарайсиз?

- Бу миш-миш эмас. Бу ҳақиқат. Шота Арвеладзе айни пайтда Тошкентга келган ва деярли ишга киришишган. Улар футболчиларни кўриб боришмоқда, жамоа билан яқинан танишиб чиқишмоқда. Менга хорижлик мутахассис келиши ҳақида аввалдан айташганди. Янги мураббий иккинчи даврадан бошлаб жамоани бошқаради. Мен "Пахтакор"даги қисқа фаолиятим давомида яхшигина тажриба эга бўлдим.

Жасур Абдураимов: "Арвеладзенинг жамоага келиши миш-миш эмас"