Matbuot anjumanida ishtirok etgan "Metallurg" bosh murabbiyi Jasur Abduraimov savollarga javob qaytardi.

- Avvalo shuni aytishim kerak, "Nasaf" juda yaxshi jamoa va shunday jamoani mag'lub etganimizdan xursandmiz. Biz qanday natija qilmaylik, hamma o'yinda futbolchilar harakat qilyapti, eng muhimi hujumkor o'yin ko'rsatyapmiz. To'g'ri, bugun omad ko'proq biz tomonda bo'ldi. Lekin shuni unutmaylik, omad ham mehnat qilgan jamoaga kulib boqadi", - deya fikr bildirdi bekobodliklar ustozi.

- Jamoangiz ikkita kuchli raqib bilan o'ynadi: AGMK va "Nasaf". Keyingi raqib ham kuchli jamoa bo'ladi: "Navbahor". Bunday jamoalarga qarshi tayyorlash qiyin bo'lmayaptimi?

- Men har o'yindan oldin futbolchilarga yutish kerakligini aytaman. Bu o'rinda biz uchun raqibning farqi yo'q, faqat g'alabani ko'zlab maydonga chiqamiz.

- Ikkinchi bo'lim boshida Stanislav Andreev almashtirilishi nima bilan bog'liq?

- Jarohati borligi uchun futbolchining o'zi so'radi. Futbolchilarimga bugungi o'yin va g'alaba uchun rahmat aytaman.

- Evgeniy Chumak qaydnomada ham ko'rinmadi.

- Uch nafar legionerimiz klubni tark etdi, shu jumladan Chumak ham.

Jasur Abduraimov: "Legionerlarimizning hammasi ketdi"