JCH-2018.

"G" guruhi, 3-tur.
Angliya – Belgiya 0:1

Kaliningrad stadioni.

Bosh hakam: Damir Skomina.

Gol: Yanuzay (51)

Angliya – Pikford, Djons, Stounz (Maguayr, 46), Rouz, Keyxill, Dayer, Loftus-Chik, Delf, Aleksander-Arnold (Uelbek, 79), Vardi, Reshford.

Belgiya – Kurtua, Shadli, Boyata, Vermalen (Kompani, 74), Dembele, Dendonker, Azar, Fellayni, Yanuzay (Mertens, 86), Tilemans, Batshuayi.

Ogohlantirishlar: Tilemans (19), Dendonker (33).

YANGILASH

MATNLI TRANSLYACIYA

- O'yin tugadi! Belgiya guruhda peshqadamga aylandi!

90. Belgiya qator vaziyatlardan unumli foydalana olmadi.

- Har ikkala jamoa 12tadan jami 24ta marotaba darvozaga zarba beribdi. Shulardan faqatgina 4tasi aniq zarba.

85. Bemano, bemaqsad va azartsiz o'yin. O'yin afishasi nomiga mutlaqo munosib emas!

82. Angliyaning standart vaziyatlaridan kelayotgan xavfni Belgiya himoyachilari va Kurtua ortiqcha qiyinchiliksiz bartaraf etmoqda.

80. To'p nazorati to'liq Angliya qo'lida, Belgiya esa raqibni o'z jarima maydonchasi oldida kutib olish bilan band.

77. Garet Sautgeyt hujumni kuchaytirish uchun Uelbekni tushirdi.

70. Angliya hujumni kuchaytirdi, ammo hozircha bu samara keltirmayapti.

66. Markus Reshford ajoyib imkoniyatdan unumli foydalana olmadi. Reshford Kurtua qarshisiga chiqib bordi va yakkama-yakka vaziyatni ko'kka sovurdi. Uning darvoza tomon tepgan to'pini Kurtua barmoqlari bilan qaytarib yubordi. Burchak zarbasidan esa naf chiqmadi.

62. Angliyaning hujumdagi ishlari yurishmayapti.

55. Belgiya ikkinchi golga yaqin keldi. Yana Adnan Yanuzay jarima maydonchasi kirib borib darvozani nishonga olmoqchi bo'ldi, ammo uning zarbasi yo'liga himoyachilar tug'anoq bo'lishdi.

- Belgiya ustozi Roberto Martinez golni katta quvonch bilan nishonlamadi.

51. GOOOOOOLLLLLLLLLLLLLLLLLLLLLL! ADNAN YANUZAY! Yanuzay jarima maydonchasi ichida to'pni qabul qilgach ajoyib harakati bilan Rouzni aldadi va to'pni darvozaning yuqori burchagiga joylab qo'ydi - 0:1!

48. Reshfordning darvoza tomon yo'llagan zarbasi noaniq ketdi.

- Angliya tarkibida o'zgarish: Stounz o'rniga Maguayr maydonga tushdi.

46. Ikkinchi taym start oldi.

- Birinchi taym tugadi!

Mazkur o'yin qanday o'tayotganiga ushbu surat aniq baho beryapti

42. Stadionga tashrif buyurgan muxlislar ochiqchasiga norozichilik bildirishmoqda va xushtak chalishmoqda. Futbol o'ynash kerak!

40. Belgiya pozicion hujumda harakat qilmoqda. Ammo bundan hech qanday naf chiqmayapti.

- Rossiyalik taniqli sharhlovchi Roman Gutcayt Angliya - Belgiya uchrashuvida sariq va qizil kartochkalarni gollardan kam bo'lmagan holatda nishonlanishi haqida tvit yozdi.

32. Belgiyadan ajoyib ayyor taktik yurish. Belgiya futbolchilari qo'pollik ishlatib, hakamdan o'zlari uchun kerakli bo'lgan kartochkalarni ishlab olishmoqda. Bu kartochkalar hozirgi onlayn jadvalda ularni egallamoqchi bo'layotgan 2-o'rinini mustahkamlaydi.

"Lokomotiv" klubi xodimi Mamur Mamadaliev Angliya - Belgiya uchrashuvini stadiondan O'zbekiston bayrog'i bilan birgalikda kuzatmoqda

- Bazi guruhlarda birgina gol, durang qadri qanchalik baland yoki daqiqalar qiymati qanchalik yuqori bo'ldi. Bu erda esa 90 daqiqa shunchaki sarf etiladiganga o'xshaydi. Angliya va Belgiya uchun g'alaba kerak bo'lmagan o'yin.

25. Jarangli afisha, ammo jimjit o'yinning 25-daqiqasi tugadi. Hozircha jamoalar futbol o'ynashga urinishmoqda, faqat urinishmoqda.

Lukaku garchi zaxirada qolgan bo'lsada, o'yindan oldin aynan u jamoadoshlari davrasida so'z olib, ularni ruhlantirmoqda. Qoyil!

19. Tilemans raqibiga nisbatan qoidani buzgani uchun ogohlantirildi.

16. Jamoalar to'pni navbati bilan nazorat qilishmoqda.

12. Har ikkala jamoaga g'alaba muhim emas. Shu boisdan ham o'yin tempi kutilganidek yuqori bo'lmayapti. Guruhda birinchi o'rinni olgan jamoa nimchorak finalda Yaponiyaga tushadi. Ammo o'sha setkada Yaponiyadan keyingi raqiblar ancha kuchli va nomdor. Ikkinchi o'rin sohibi esa Kolumbiya bilan o'ynaydi va bu setka nisbatan ancha sokinroq.

9. Belgiyaning xavfli hujumi sodir etildi. Batshuayi va Pikford qarama-qarshiligida Pikford to'pni qo'lidan chiqarib yubordi, ammo to'p chiziqni kesib o'tishga ulgurmadi. Belgiya futbolchilari esa gol bo'lganiga ishora qilishdi. Ammo hakamni qo'lida golni aniqlovchi soat turibdi va unga hech qanday signal kelmadi.

5. Xavfli vaziyat! Tilemansning kuchli zarbasini Pikford mahorat ko'rsatib qaytarib yubordi!

1. O'yin boshlandi!

- Jamoalar maydonga chiqib kelishdi. Har ikkala davlat madhiyalari yangraydi.

JCH-2018. Guruh favoritlari to'qnashuvida Belgiya g'olib