"Atlas sherlari" so'nggi bor 20 yil oldin mundialda ishtirok etishgan va guruh bosqichida qolib ketishgandi. Endi Erve Renar boshchiligida jamoa o'z natijasini yaxshilamoqchi. Eron esa o'z tarixida ilk bor ketma-ket ikkinchi bor JCHda ishtirok etmoqda. 7 yil davomida jamoani boshqargan Karlush Keyrush ushbu musobaqadan so'ng lavozimini tark etadi.
Osiyo terma jamoasi safida diskvalifikaciya qilingan Said Izzatullohi maydonga tushmaydi, bundan tashqari jarohatlari bois Mehdi Taremi v Ashakan Dejaga Marokashga qarshi o'ynay olishmaydi. Marokash safida Nabil Dirarning maydonga tushishi so'roq ostida turibdi.

Bu qiziq
Marokash terma jamoasi 18ta o'yindan buyon yutqazmayapti. Faqat Belgiya (19) va Ispaniya (20) JCH-2018dan oldin Marokashdan uzunroq mag'lubiyatsiz seriyaga ega.

Ushbu ikki terma jamoa Jahon chempionatlarida oldin hech qachon to'qnash kelishmagan.

Taxminiy tarkiblar
Eron: Alirizo Beyravand; Milad Muhammadi, Murtazo Puraligandji, R0zbex Cheshmi, Pejman Montazari; Masud Shojayi, Ehson Xojsafi, Omid Ibrohimi; Vohid Amiri, Serdar Azmun, Alirizo Jahonbaxsh

Marokash: Munir el-Kajui; Hamza Mendil, Romen Saiss, Mehdi Benatia, Ashraf Hakimi; Hakim Ziech, Muborak Bussufa, Yunus Belhanda, Karim el-Ahmadi, Nuriddin Amrabat; Xolid Butaib

Murabbiylar nima deydi?

Erve Renar (Marokash):

"Ushbu musobaqada kuchli jamoalar juda ko'p, ularning ko'pi favorit. Biroq biz Sankt-Peterburgga shunchaki rasmga tushish uchun kelganimiz yo'q".

Karlush Keyrush (Eron):

"Bu o'yin ikkala jamoa uchun ham juda muhimligini bilamiz, biz aniq maqsad bilan bu shaharga keldik, hisobimizga 3 ochko qo'shib qo'ymoqchimiz. Futbolchilarimda shijoat va intilish kuchli. Futboldagi g'alaba xuddi narkotikka o'xshaydi. Agar birinchi o'yinda yutsak navbatdagi bahslarda bizga ko'proq ishonch bag'ishlaydi. Shu bois Marokashga qarshi o'yinda gol urish uchun qo'rqmay hujum qilamiz".

Stadion haqida:

Sankt-Peterburg stadioni haqida nimalarni bilishimiz kerak?

JCH-2018. Eron terma jamoasining rasmiy qaydnomasi

JCH-2018. Marokash terma jamoasining rasmiy qaydnomasi

JCH-2018. Eron - Marokash. Prevyu