Dastlabki o'yin mezbon Qatar hamda Ekvador o'rtasida bo'lib o'tadi. Bahs Toshkent vaqti bilan 21:00 da Al Bayt stadionida boshlanadi.
O'yin sotilgan bo'lishi mumkinmi?
Turnir boshlanishidan oldin Britaniyaning Yaqin Sharq tadqiqotlari markazining mintaqaviy rahbari, siyosatchi va jurnalist Amjad Taxa bomba xabar tarqatdi: Ochilish uchrashuvini Qatar shayxlari sotib olgan bo'lishlari mumkin. Jurnalistning malum qilishicha, Ekvadorning sakkiz futbolchisini deyarli sakkiz million dollarga sotib olingan. Keyinchalik bu xabarni yana beshta shaxs tasdiqladi. Agar Taxaning gaplari haqiqat bo'lib chiqsa, uchrashuv 1:0 hisobida mezbonlarning g'alabasi bilan yakunlanishi lozim. Nima bo'lgan taqdirda ham turnir boshlanishiga ikki kun qolganida shunday xabar butun dunyoni qamrab oldi.
⚡️ Jahon chempionati mezbonlari dastlabki o'yinda qanday natija qayd etgan?
Mezbonlar so'nggi yillarda ancha o'sishga erishdilar
Bir necha o'n yillar davomida mintaqaning eng zaif jamoalaridan biri bo'lgan Qatar to'g'ri infratuzilma bilan rivojlanish mumkinligini isbotlab berdi. Mahalliy futbolga yillar davomida qilingan ajoyib sarmoya o'z samarasini berdi. 2019 yilgi Osiyo Kubogidagi g'alaba Qatar uchun sezilarli muvaffaqiyat bo'ldi. BAAda bo'lib o'tgan turnirda hozirgi murabbiy Feliks Sanches qo'l ostida qatarliklar tarixdagi birinchi chempionlikni qo'lga kiritdi.
Ekvador turnirda juda yomon sport formada kelmoqda
Ekvadorning so'nggi beshta o'yinidan to'rttasi gol ura olmadi, beshinchi o'yinda janubiy amerikaliklar Kabo-Verdeni 1:0 hisobida mag'lub etishdi. Uch ranglilar yil davomida atigi ikkitagina o'yinda g'alaba qozonishgan.
Ekvador terma jamoasining o'yin bilan bog'liq muammolar saralash bosqichida boshlangandi. Ular olinishi mumkin bo'lgan ochkolarning 50% dan kamini to'plashga muvaffaq bo'lishdi. Oxirgi 11 o'yinda janubiy amerikaliklar bittadan ko'p gol urishmadi, jamoaning hujum chizig'ida katta muammolar borligini natijalar ham aytib turibdi. Ekvador so'nggi bor o'tgan yili qatorasiga ikkita o'yinda g'alaba qozonishga erishgan.
Kaysedo-Valensiya: o'zgarishlar qila oladigan tandem
Ekvador terma jamoasi oxirgi bo'lib jahon chempionati uchun tarkibini elon qildi. Uch ranglilar tarkibiga Janubiy Amerika milliy chempionatlarining futbolchilari, Evropaning etakchi chempionatlari vakillari ham kiritilgan.
Pero Inkape, Pervis Estupinyan, Moyses Kaysedo,Xose Sifuentes va Enner Valensiya kabi o'yinchilari bor tarkib katta jamoalarga qarshi ham bemalol o'ynay olishi mumkin. Kaysedo-Valensiya dueti esa nafaqat qatarliklarni, balki guruhdagi har bir raqibning himoyasiga jiddiy xavf tug'diradi.
Qatarda JCH oldidan final o'tkaziladigan shahar qurildi. Bu noyob hodisa
Tarkib va taktika
Feliks Sanches Qatarda ancha yillar davomida ishlab kelmoqda. U qatarliklarni 69 ta uchrashuvda maydonga olib tushgan. Raqibga qarab uning taktikasi 3-5-2 yoki 5-3-2ga o'zgaradi. Bugun Sanches katta ehtimol bilan hujumkor o'yin ko'rsatishga harakat qiladi. Sababi oddiy: jamoasi jahon chempionatining ochilish uchrashuvida maydonga tushadi.
Gustavo Alfaro Ekvador terma jamoasini 2020 yilning avgustidan beri boshqarib boradi. Uning qo'l ostida jamoa 31 ta o'yinda maydonga tushdi. Jamoa asosan 4-3-3 taktikasida maydonga tushadi. Kamdan kam hollarda taktika 4-2-3-1ga o'zgaradi. Gustavo asosan pragmatik futbolni hush ko'radi.
Hakamlar
Qatar va Ekvador o'rtasidagi o'yinni italiyalik Daniele Orsato boshqarib boradi.
Bosh hakam: Daniele Orsato (Italiya)
Qanot hakami 1: Chiro Karbone (Italiya)
Qanot hakami 2: Alessandro Jallatini (Italiya)
Zaxira hakami: Ishtvan Kovach (Ruminiya)
Ochilish o'yini uchun taxminiy tarkiblar
Qatar: Al Shib, Al Rabi, Xuxi, Hassan, Ro-Ro, Ahmad, Xotam, Budiyaf, Al Haydos, Afif, Ali.
So'roq ostida: Akrom Afif
Ekvador: Dominges, Presiad, Estupinyan, Torres, Inkapie, Mendes, Sifuentes, Kaysedo, Mena, Ibarra, Valensiya.
So'roq ostida: Danilo Arboleda, Grueso, Sarmento.
Jamoalarning so'nggi beshta o'yindagi statistikasi
Ochilish o'yini juda muxlisbop bo'lishi juda qiyin. Har ikki jamoa ham raqibning xatosidan foydalangan holda g'alabani ilib ketishlari mumkin. Oxirgi vaqtdagi ekvadorliklarning hujumidagi omadsizlariga qaramasdan, favorit Lotin Amerika jamoasi! Qatar mezbon faktori va muxlislari orqali ustunlikka erishishi mumkin. Qatarliklarning katta maydonlarda tajribasizliklari ham bugungi o'yin natijasiga tasir qilishi mumkin.
Salom, Qatar! Mundialning birinchi ishtirokchisi bilan tanishuv
Izohlar