Neapoldagi “San-Paolo” stadionida kechgan dramatik uchrashuvda mehmonlar 2:0 hisobida oldinda bora turib, yakunda mag'lubiyatga uchrashdi.

“Hisob mezbonlar foydasiga 2:1 ko'rinishiga kelganidan keyin biz shunchaki maydondan yo'q bo'lib qoldik. Hamma o'z xohlaganicha va bilganicha o'ynay boshladi. Futbolchilarimiz birinchi xatoning o'zidayoq o'zlarini yo'qotib qo'yishdi.

Mag'lubiyat uchun barcha ayb va javobgarlikni o'z zimmamga olaman. Chunki futbolchining maydonda qo'rqib harakat qilayotgani bu murabbiyning aybi. O'tgan mavsumda ham xuddi shunday holat kuzatilgandi. Ikki to'p farqi bilan oldinda bora turib, yakunda mag'lubiyatga uchrash juda alamli”, - dedi Gattuzo Football Italia nashriga bergan intervyusida.

Eslatib o'tamiz, “Napoli” 6 ochko bilan turnir jadvalida 2-o'rinni egallab turibdi. “Milan”da esa hali ochko yo'q va jamoa 13-pog'onadan joy olgan.

Jennaro Gattuzo: "Hisob 2:1 paytida "Milan" yo'q bo'lib qoldi"