Учрашувда ҳар икки жамоа бош мураббийлари - Даврон Файзиев ҳам, Андрей Шипилов ҳам бир қатор футболчиларга ўйин амалиётини берди.

Тенгкурашлар остида ўтган учрашувнинг 34-дақиқасида бекободликларнинг янги футболчиси Сервер Жепаров томонидан жарима зарбасидан киритилган гол якунда “Металлург” клубига ғалаба келтирди.

Ўйин давомида Бекобод клуб аъзолари сингари, Самарқанд жамоаси вакилларида ҳам ҳисобни ўзгартириш учун вазиятларга юзага келди, аммо ўйиндаги кичик ҳисоб ўзгармади – 0:1.

«Динамо» жамоаси навбатдаги учрашувни эртага, 26 январь куни Вадим Абрамов қўл остидаги «Бунёдкор» клубига қарши ўтказади.

25 январь (жума).
Назорат учрашуви.
«ДИНАМО» - «МЕТАЛЛУРГ» - 0:1
Қибрай стадиони.
Гол: Cервер Жепаров, 34.
«Динамо»: Шоҳруҳ Эшбўтаев, Миркомил Локаев, Акмал Холмуродов, Ҳакимхон Аъламхонов, Аваз Агалиев, Жасур Азимов, Дамир Темиров, Шерзод Жалилов, Отабек Нарзуллаев, Дилмурод Каримов, Амиржон Сафаров.
Захирадан тушган футболчилар: Шоҳруҳ Раимов, Жасур Уринов, Комил Шарофутдинов, Обид Ҳакимов, Муҳиддин Одилов, Санжар Баротов.

Жепаровнинг голи "Динамо"ни мағлуб этди