Hozirda nigeriyalik futbolchi hamon Rim klubiga tegishli, ammo "Peruja"da ijarada to'p tepadi. Mavsumning birinchi yarmida u Stiven Jerrard boshchiligidagi "Reyndjers"da o'ynadi va bor yo'g'i 4 marotaba maydonga tushdi.

Sadik Shotlandiyada bo'lgan ishlardan juda xafa bo'lgan.

"Jerrard – umuman men o'ylagandek inson emas ekan".

Avvaliga "Reyndjers"ga o'tishga ikkilangandim. Lekin u meni ko'ndirdi, kuniga 3-4 marta qo'ng'iroq qilib, menga ishonishini, iqtidorimni yuzaga chiqarishim, futbolchi sifatida o'sishimda yordam berishini aytdi. Oxir-oqibat klubga ijara asosida ko'chib o'tdim. Ular men bilan bir vaqtning o'zida yana bir hujumchi bilan ham shartnoma imzolashdi – Kayl Lafferti. Shundan keyin ahvol yomonlasha boshladi.

Kutilmaganda, menga birinchi jamoaning kiyinish xonasidan foydalanish mumkin emasligini aytishdi. Men yosh bolalar bilan kiyim almashtiradigan bo'ldim. Oradan bir necha kun o'tib, mashg'ulot markazidagi mashinalar to'xtash joyiga avtomobilimni qo'ymasligimni talab qilishdi. Men o'zimni erga urilgandek his qildim. Nimaga bunday qilishayotganini, gap nimada ekanini so'rardim, ammo hech kim javob bermasdi.

Bir kuni instagramda layk bosganim uchun menga 20 ming funt jarima solishdi. Axir bu ahmoqlik emasmi?! Bilasizmi, ular dekabr oyi uchun maoshimni hali ham berishmagan...

Ijara muddati o'z nihoyasiga etganidan so'ng, Jerrard hattoki men bilan xayrlashgani ham yo'q. Uning faoliyati qanday bo'ladi, buni bilmayman. Lekin undan buni kutmagan edim", - deydi Umar Sadik.

Jerrard men o'ylagandek inson emas ekan