Jizzax viloyatida O'zbekiston futbol associaciyasining 2018 yilgi taqvim rejasiga asosan U-16 yoshli o'smirlar o'rtasida mini-futbol (futzal) bo'yicha O'zbekiston Kubogi musobaqasi o'z nihoyasiga etdi. Qayd etilgan natijalar:

Musobaqa yakunlariga ko'ra 3 - o'rinlarni Samarqand va Buxoro viloyati jamoalari, 2-o'rinni Sirdaryo viloyati hamda 1-o'rinni Jizzax viloyati terma jamoalari egallashdi.

Musobaqa g'oliblari O'zbekiston futbol associaciyasining Kubok, medal, diplomlari hamda Jizzax viloyat futbol associaciyasi tomonidan esdalik sovg'alari bilan taqdirlandilar. Ushbu musobaqani odilona boshqarib borgan hakamlar brigadasi ham Jizzax viloyat futbol associaciyasi tomonidan diplom va esdalik sovg'alari bilan taqdirlanishdi.

Jizzax viloyati hokimi, viloyat futbol associaciyasi prezidenti Saliev Ergash Alibekovich tomonidan ilk marta viloyat 2-liga chempionati g'olibi hamda "Viloyat hokimi Kubogi" musobaqasi g'olibi jamoalari o'rtasida "Viloyat Super Kubok" bahsi o'tkazildi. Zomin tumani markaziy stadionida o'tkazilgan uchrashuvda Zarbdor tumanining "Bo'ston" hamda Yangiobod tumanining "Yangiobod" jamoalari o'zaro bellashishdi. Qizg'in va kurashlarga boy o'tgan uchrashuvda Yangiobod tumanining "Yangiobod" jamoasi yakunda 3-2 hisobida g'alaba qozonib "Viloyat Super Kubogi" ning ilk sohibiga aylanishdi. O'yin yakunlangach yopilish va taqdirlash marosimi bo'lib o'tdi. Unda so'zga chiqqan viloyat hokimi, viloyat futbol associaciyasi prezidenti Saliev Ergash Alibekovich hammani kirib kelayotgan yangi yil bilan tabrikladi. Shundan so'ng uchrashuvning birinchi goli muallifi "Yangiobod" jamoasi futbolchisi Qodirov Jaxongir, uchrashuvning engi yaxshi o'yinchisi "Bo'ston" jamoasi futbolchisi Eldorbek Erkinovlar viloyat hokimi, viloyat futbol associaciyasi prezidenti tomonidan televizor bilan taqdirlandilar. Zarbdor tumanining "Bo'ston" jamoasi diplom, Yangiobod tumanining "Yangiobod" jamoasi "Viloyat Super Kubogi" hamda diplom bilan taqdirlanishdi.

Jizzaxda ikkita musobaqa bo'lib o'tdi