Biz bu borada o'sha pallada yani mavsum boshida o'ziga hos so'rovnoma o'tkazganimizda ham aksariyat futbolchilar Puma to'plari haqida tanqidiy fikr bildirgan edi.

Superliganing yangi Puma to'pi haqida futbolchilar qanday fikrda?

Foto: O'tgan mavsumda foydalanilgan Puma to'pi.

Natijada O'zPFL ushbu masalani ham ko'rib chiqdi va yakuniy qarorga keldi. Joriy yildan etiboran milliy chempionat va kubok bahslarida Adidas brendidagi to'plardan foydalaniladi. Superligaga qura tashlash marosimida ham bunga guvoh bo'ldik.

Xo'sh, bu borada O'zPFL vakili nima deydi?

"Ha, yangi 2021 yilgi mavsumda milliy chempionatimiz va Kubok bahslari doirasidagi uchrashuvlarda yangi to'plardan foydalaniladi. O'tgan yili Puma to'plari tanlangan edi. Biroq mavsum yakunida bir qator futbolchilar va murabbiylar Puma to'plaridan ko'ngillari to'lmaganini bildirishdi. Shu sababli qishda O'zPFL klublarga murojaat qilib, kichik so'rovnoma o'tkazdi. Ko'pchilik klublar adidas variantini maqul bilishdi. Yakunda adidas CONEXT 21 to'plarida to'xtalindi. O'zPFL klublar tanlovi natijasini O'FAga malum qildi va ayni paytda O'FA mutaxassislari adidas CONEXT 21 to'plarini etkazib berish bo'yicha ish olib borishmoqda",- deydi O'zPFL vakili Zohir Akramxonov.

Batafsil intervyuni bir necha soatlardan so'ng etiboringizga havola etamiz.

Joriy mavsum Superliga va kubok bahslarida yangi to'pdan foydalaniladi