Championat.asia muxbiri Nikolay Egorichev nimalarni bilishingiz keraligi hamda O'zbekiston terma jamoasining raqiblari qanday o'ynashi haqida malumotlar beradi.

Kamerun: afsonaviy murabbiy, Evropaning yuqori ligada o'ynaydigan futbolchilari va "rus" himoyachi yarim himoyachisi

Kamerun bilan boshlaylik. “Engilmas sherlar” FIFA reytingida 38-o'rinni egallab turibdi. Afrika termalaridan faqat Senegal (18), Marokash (22), Tunis (30) va Nigeriya (31) ulardan yuqoriroq. Aytish mumkinki, Kamerun o'z qitasining eng yaxshi terma jamoalari qatoriga kiradi.

Rigober Song kamerunliklar bosh murabbiyi hisoblanadi. Kamerun terma jamoasida 137 ta o'yin o'tkazgan. Bu esa mamlakat tarixidagi eng yaxshi ko'rsatkich. Masalan, Samuel Eto’O hisobida 118 ta o'yin bor. Song shu yilning mart oyidan buyon Kamerun terma jamoasini boshqarib kelmoqda. Bungacha Rigober yordamchi sifatida ishlagan va Kamerun yoshlar terma jamoasini boshqargan. Uning qo'l ostida terma jamoa uchta o'yin o'tkazib, ikkitasida g'alaba qozongan.

Mart oyida Kamerun Jahon chempionati yo'llanmasini qo'lga kiritish uchun Jazoir bilan o'ynadi. Birinchi uchrashuvda kamerunliklar mag'lub bo'lishdi (0:1). Ikkinchi uchrashuvda esa qiyin g'alabaga erishdi: jamoa 1:0 hisobida oldinda borib, 118-daqiqada gol o'tkazib yubordi va 124-daqiqada hal qiluvchi golni kiritdi. Shu tariqa, Kamerun terma jamoasi 2014 yildan beri ilk bor jahon chempionatida ishtirok etadi. Kamerunliklar esa mundialda juda qiyin guruhga tushdi. Bular Braziliya, Serbiya va Shveycariya.

Kamerun terma jamoasining deyarli barcha futbolchilari Evropaning top ligalarida o'ynashadi. André Onana (“Ayaks”, “Inter”), Brian Mbemo (“Brentford”, APL), Karl Toko-Ekambi (“Lion”), Andre Zambo-Angissa (“Napoli”) va Erik Chupo-Moting (“Bavariya”). Jamoa sardori Vensan Abubakar. U faoliyatini Saudiya Arabistonining "Al-Nasr" klubida davom ettirmoqda.Kamerun terma jamoasi futbolchilarining umumiy qiymati Transfermarkt malumotlariga ko'ra, deyarli 137 million evroni tashkil qiladi.

Germaniyaning “Gannover” jamoasi sharafini himoya qilayotgan 26 yoshli himoyachi Gael Onduani alohida takidlash joiz. U Kamerunda tug'ilgan, lekin bolaligining ko'p qismini Rossiyada o'tkazgan. Uning otasi Kamerunning Moskvadagi elchixonasida ishlagan. Ondua "Lokomotiv" va CSKA akademiyalarida futbol talimini olgan, kattalar darajasida esa Daniyaning "Veyle", "Anji" va Shveycariyaning "Servette" klublarida o'ynagan. Gael rus tilida mukammal gapiradi, hammomlarni yaxshi ko'radi va o'zining Telegram kanalini yuritadi.

O'tgan qishda Afrika Millatlar Kubogida Kamerun terma jamoasi uchinchi o'rinni egalladi. Yarim finalda kamerunliklar Misrga penaltilar seriyasida mag'lub bo'ldi. Finalda misrliklar Senegalga imkoniyatni boy berdi. Kamerun esa bronza medallari uchun kurashda Burkina-Fasoni mag'lub etdi (yana penaltilar seriyasida).

Oldingi murabbiy Toni Konseysau bilan solishtirganda - Rigober Song Kamerun terma jamoasining o'yinini boshqacha sxemada tikladi. Agar jamoa portugallar qo'l ostida asosan 4-3-3 o'ynagan bo'lsa, Song ikki hujumchi tarkibni afzal ko'radi. Deyarli barcha Afrika jamoalari singari Kamerun ham kuchli futbol ko'rsatadi. Kamerunliklar juda kuchli fizikaga ega, ular to'p uchun kurashda o'zlarini yaxshi his qiladilar va yuqorida o'ynashdan tortinmaydilar, chunki ularning oldida tez-tez kuchli hujumchilar (Shupo-Moting, Abubakar yoki “Al-Taavun”dan Tavamba) bo'ladi.

Kosta-Rika: tarkibi O'zbekistonnikidan arzonroq, yulduzlardan esa faqat Navas

Kosta-Rikada vaziyat boshqacha. Markaziy Amerikaning bu jamoasi ko'pincha uchta markaziy himoyachi bplan o'ynaydi. Ular ishtirokidagi o'yinlarda odatda kam gol uriladi. O'yin uslubi bo'yicha Kosta-Rika Kamerundan juda farq qiladi: u himoyadan harakat qiladi, qarshi hujumlarda raqibni ushlaydi va kamdan-kam hollarda to'pni yuqoriga ko'taradi.

Joriy yilning mart oyida Kosta-Rika va AQSH terma jamoalari o'rtasidagi o'yin bu borada dalolat beradi. Jamoa uzoq vaqt kurashdi, Keylor Navas tomonidan bir nechta qutqaruvlar amalga oshirildi, shundan so'ng kosta-rikaliklar hali ham oldinda o'z imkoniyatlarini topdilar. Dastlab burchak to'piga kelgan markaziy himoyachi Xuan Pablo Vargas, keyin esa hujumchi Antoni Konteras gol urdi. Instat tahliliy sayti malumotlariga ko'ra, amerikaliklar Kosta-Rika darvozasi yonida oltita vaziyat yaratishdi, ammo gol ura olmadilar. Navas jamoadoshlari uchta imkoniyatdan ikkitasini golga aylantirdi.

Jahon chempionati uchun saralashda Kosta-Rika jamoasi to'rtinchi o'rinni egallab, Yangi Zelandiya bilan bahsda omadini sinadi.

Kosta-rikaliklar uchinchi daqiqadayoq gol urishdi va Qatarga yo'llanmani qo'lga kiritishdi. Mundialda esa o'z guruhida Germaniya, Ispaniya va Yaponiya bilan kuch sinashadi. Bu kosta-rikaliklar uchun ketma-ket ikkinchi jahon chempionati hisoblanadi.

Terma jamoaning aksariyat o'yinchilari Janubiy va Shimoliy Amerikadagi mahalliy chempionat yoki ligalarda to'p tepadi. Transfermarkt portali kosta-rikaliklarning tarkibini 18 million evroga baholamoqda. O'zbekiston bir yarim barobardan ko'proq qimmat – 28,5. Yuqorida tilga olingan Keylor Navasdan tashqari, Joel Kempbell ("Arsenal", "Betis", "Sporting" va "Vilyarreal"da o'ynagan) va Brayan Ruis ("Sporting", "Fulxem", "Tvente", PSV) klublarida o'ynagan.

Terma jamoani bugungi kunda 62 yoshli kolumbiyalik mutaxassis Luis Fernando Suares boshqarib kelmoqda. Uning qo'l ostida kosta-rikaliklar barcha turnirlarda 22 uchrashuv o'tkazishib, 12 g'alaba, 5 durang va 5 mag'lubiyat.

Xulosa
Kamerun terma jamoasi O'zbekiston uchun shubhasiz asosiy raqib hisoblanadi. Evropaning etakchi chempionatlaridan, jumladan, top-klublardan ham ko'plab futbolchilar bor. Srecho Katanec jamoasi kamerunliklarga qanday qarshilik ko'rsatishi qiziq.

Kosta-Rikaga kelsak, bu erda hamma narsa unchalik oddiy emas. Bu mutlaqo ajoyib jamoa deb ham bo'lmaydi. Lekin jamoa kurashuvchan hamda jangari kayfiyatda futbol ko'rsatadi. Aynan Kosta-Rika kabi raqiblar bilan o'yinlardan O'zbekiston terma jamoasining istiqboli haqida xulosa chiqarish mumkin. Kosta-rikaliklarning jahon chempionatiga KONKAKAF mintaqasidan chiqqan. Adashmang, bu mintaqa bir necha jamoani hisobga olmaganda, OFKdan ancha kuchsizroq.

Nikolay Egorichev

❗️ Kamerun va Kosta-Rika terma jamoalari va ular qanday o'ynashi haqida nimalarni bilishingiz kerak? Nikolay Egorichevdan tahlil