Parij Olimpiadasiga yo'llanma beruvchi bu turnirga ko'pchilikning qiziqishi katta. Malayziyaga qarshi o'yin oldidan o'z vaqtida O'zbekiston olimpiya terma jamoasida to'p tepgan Kamoliddin Murzoaevning fikrlarini tingladik.

"Darhaqiqat, futbolimiz rahbarlari Olimpiada yo'lida barcha sharoitlarni yaratib berishdi. Kamdan-kam davlatlarda olimpiya terma jamoasi uchun alohida loyiha ishlab chiqilgan. "Olimpik"ning birinchi davrlarini eslasangiz bizga notanish nomlar chiqib keldi. Hozirgi kunda har tomonlama tayyorlar deb o'ylayman. Guruhdagi raqiblarimiz ham biz istagandek. Lekin hech bir o'yin oldidan yuz foiz g'alaba qozonadi deya olmaymiz. Imkoniyatlar darajasida kelib chiqsak guruhimiz yaxshi. Legionerlarimizning qo'shilishi ham yaxshi motivaciya bo'ladi.

Bizda bunday musobaqalar oldidan haddan tashqari katta bosim bo'ladi. Ko'pchilik futbolchilarni teskarisiga koyishadi. Vatan tuyg'usi yo'q, vatan uchun o'ynamaydi va hokazo. Ichki muhitda, futbolchining tayyorlanish jarayonida bu katta bosimni keltirib chiqaradi. Ko'plab turnirlarda so'nggi nuqtada nimadir etishmaydi. Futbolda mentalitet degan narsani takidlashadi. Tarbiya, ichki kechinmalari shakllangan bir xillik yo'q. Yaponiya, Koreyaga qarasangiz har bir yoshda o'z ruhiyati bor va bu o'zgarmaydi. Bizda bitta terma jamoamiz yuqoriga chiqib ketadi, biri tushib ketadi. Mana shunda balansni topa olsak marra bizniki bo'ladi.

O'ylaymanki, Timur Kapadze shogirdlari bu holatdan chiqib ketishadi. Mazkur terma jamoada balans bor. Futbolchilar birga bo'lgani bilan turli klublardan kelishgan. Bu o'zining ijobiy yordamini berishi kerak. Xursand qiladigan natija bilan qaytamiz deb o'ylayman. Qandaydir ishonch bor",- deydi Kamoliddin Murzoev.

Kamoliddin Murzoev: "Bu safar Olimpiadaga chiqishimiz uchun qandaydir ishonch bor"