2021 yil oktyabr oyida "Arsenal"ning 50 million funt sterlingga sotib olgan himoyachisi Ben Uayt futbol ko'rishni unchalik ham yoqtirmasligi va Patrik Vieyraning o'yinlarini hech qachon ko'rmaganini tan olgandi. Shu sababli, dunyodagi eng mashhur o'yinni tomosha qilishni yoqtirmaydigan futbolchilarni yodga olishga qaror qildik.

Odatda, qilayotgan ishingdan zavq olsang, o'zing sevgan ish bilan mashg'ul bo'lsang, muvaffaqiyatga erishasan deyishadi. Ammo bu yigitlar buning aksi bo'lishini amalda isbotlay olishgan.

Garet Beyl

Beylga futbol o'ynash yoqsa ham, endilikda u faqatgina Uels termasida to'p tepishni yoqtiradi, shekilli. Shuningdek, Garet golf havaskori ekani hech kimga sir emas. Ammo forvard unga nafaqat golf o'ynash, bakli uni tomosha qilish ham yoqishini aytgan. Bazilar qanchalar ham zerikarli mashg'ulot deyishlari mumkin, faqat Beyl emas.

Karlos Teves

Teves "Boka Xuniors"ni, "Boka Xuniors" esa Tevesni juda yaxshi ko'radi, lekin shu erda argentinalikning qiziqishi yakunlanadi. Endi u nega "MYU"dan "Manchester Siti"ga o'tgani malum.

"Men futbolni yoqtirmayman. Agar bir kanalda "Barselona" - "Real" uchrashuvi, boshqa kanalda golf bo'yicha turnir bo'layotgan bo'lsa, hech ikkilanmay, golfni tanlagan bo'lardim".

Mark-Andre ter Shtegen

Futbol germaniyalik posbonga yiliga millionlab evro keltiradi. Ammo u hattoki, Ispaniya chempionati futbolchilarini ham tanimaydi.

"Bazida mendan qaysidir futbolchi haqida so'rashadi, men esa u kimligini ham bilmayman. Ochig'ini aytsam, Primera o'yinchilarini yuzidan taniyman, ammo ism-familiyasi bilan eslab qololmayman".

Gabriel Batistuta

"Fiorentina" va Argentina terma jamoasi afsonasi hech qachon o'zining ismini baralla kuylayotgan tumonat muxlislar qarshisida to'p tepishni ishdan ortiq bir narsa deb hisoblamaydi. Xo'sh, unda futbolchi nima ish bilan zavqlanib shug'ullanadi? Polo.

Bu borada buyuk forvardni tushunish mumkin, chunki futbol tufayli og'ir operaciyani boshdan o'tkazgan.

"Tatil paytlari Argentinaga qaytganimda, do'stlarim polo o'ynashga taklif qilishardi. Avvaliga shunchaki qiziq tuyulgandi, lekin keyin uni juda yoqtirib qolganman. Bu - xobbi, ammo muntazam ravishda darajamni ko'tarishga harakat qilaman".

Karlos Vela

Meksikalik futbolchi Evropadan shunchaki ko'chib ketgani yo'q. London yoki San-Sebastyanga qaraganda, Los-Anjelesdagi hayot ancha qiziqroq. Rostini aytadigan bo'lsak, Evropadan ko'ra, Amerika ko'chalarida Velani kamroq inson taniydi.

"Yaxshi film yoki yaxshi futbol uchrashuvidan birini tanlash lozim bo'lsa, ochig'i, kino ko'rishni afzal deb bilaman. Hech qachon birorta klubga muxlislik qilmaganman. Bahs tugadi va u bilan bog'liq barcha narsa men uchun ham o'sha erda yakuniga etadi. Bo'sh vaqtimda men bilan futbol haqida suhbatlashishni hayolingizga ham keltirmang!".

Nozima Zaripova tarjimasi

Kasbini yaxshi ko'rmaydigan yulduzlar