Сайтимиз журналисти Фахриддин Рўзиев эса телеграмдаги каналида баъзи саволларни ўртага ташлади:

Словениялик мутахассис чемпионатимиз тўпурарини йиғинга жалб қилмади (5 та тўп киритган Темурхўжани ҳам). Албатта, унинг наздида Эрон Про-лигасининг 11 ўйинида бирорта гол уролмаган ҳужумчилар ҳам Шоҳруздан кучли бўлиши мумкин. Лекин, охирги уч йилликни, ўн йилликни, ҳатто минг йилликни инобатга олсангиз ҳам, Норхонов Амонов билан Темировдан кўпроқ тўп киритган.
Демак, Сречко футболчиларнинг айни пайтдаги ҳолатига эмас, қайси чемпионатда тўп суришига эътибор беради ва иложи бўлса, хорижда ўйнаётганларни чақиряпти.
Унда нега Беларусда рекордларни янгилаб ташлаётган, 10 ўйинда 11 та гол урган Бобир Абдихолиқов ҳам рўйхатда йўқ?
Ва энг оғриқли савол: Катанец Суперлигани кузатадими ўзи? Агар кузатса, "Навбаҳор" билан ўйинда тўхтаб турган машинадан ҳам секинроқ ҳаракатланган, жамоаси 15 та тўп ўтказиб юборган футболчини нега йиғинга чақирди? Охирги йилларда ҳаммадан барқарорроқ ўйнаётган Аъзамовга нега ҳеч жой топилмайди? Ёки у ҳам терма жамоада ўйнаш учун Эрон чемпионатига ўтиши керакми?

Муаллифнинг телеграмдаги шахсий блогига аъзо бўлинг.

Катанец Суперлигани кузатмайдими?