U kelganidanoq futbolimiz kishilari bilan "Bunyodkor" va "JAR" stadionlarini borib ko'rdi. Mutaxassis Milliy Olimpiya qo'mitasida ham bo'ldi.

Foto: O'FA matbuot xizmati

Katanec o'sha kuniyoq "Paxtakor" - "Turon" uchrashuvining 1-bo'limini, keyin esa AGMK - "Neftchi" o'yinining 2-bo'limini tomosha qildi.

Foto: O'FA matbuot xizmati

O'FA xabariga ko'ra, murabbiy "Olimpik" jamoasi bosh murabbiyi Timur Kapadze bilan yurtimiz futboli hamda o'zbekistonlik futbolchilarning potenciali xususida suhbatlashdi va kelajakda o'zaro hamkorlikda faoliyat olib borishga kelishib oldi.

20 avgust kuni Ravshan Haydarov Katanecning ikki yordamchisi bilan Jizzaxga tashrif buyurdi va "So'g'diyona" - "Lokomotiv" uchrashuvini kuzatdi. Sloveniyalik murabbiyning o'zi esa shu kuni "Bunyodkor" - "Navbahor" o'yinida bo'ldi.

Yaqin orada uning murabbiylar shtabi ham elon qilinsa kerak.

Shaxsan o'zim xorijdan kelgan mutaxassisning fikrlari bilan qiziqaman. U Katanec bo'ladimi, Kuper bo'ladimi, Arveladzemi - ularning futbol haqidagi tushunchasini o'rgangim keladi, kezi kelanda maslahat berishlarini xohlayman. Srechko Katanec bugun maydonlarni ko'ryapti, unga bularni ko'rsatishyapti. Hali u ko'p bora stadionlarga tashrif buyurib, futbolchilarni kuzatsa ham kerak.

Shu o'rinda janob Katanecga mamlakatdagi akademiyalarni ham ko'rsatishlarini xohlab qolardim. Bazi viloyatlarda akademiyalarning maydonlari yo'qligi-yu, borlarini ham holatini sloveniyalik murabbiy ko'rsin, tasavvurga ega bo'lsin, aytadiganlari bo'lsa maslahatlari bilan o'rtoqlashsin.

O'FA hududiy associaciyalar bo'limi rahbari Baxtiyor Shirinov hududiy futbol akademiyalari haqida fikr bildirgan edi. Marhamat, mana bu erda viloyatlardagi akademiyalar holati haqida bilib olish mumkin.

Toshkent shahri hamda Jizzaxda bitta, Samarqand va Qashqadaryoda umuman maydon yo'q - Baxtiyor Shirinov hududiy futbol akademiyalardagi holat va maydonlar haqida

IMHO: Katanecga akademiyalarni ham ko'rsatish kerak!