Туркияга қарши ўртоқлик учрашувидан кейин Тошкентга қайтиб келган терма жамоамиз икки кундан буён "Жар" стадионида машғулотларни ўтамоқда.

Кеча терма жамоамиз машғулотлари ёпиқ эшиклар остида ўтди.

ЎФАнинг твиттердаги расмий саҳифаси кечаги машғулотга 1,5 соат қолганида: "Ўзбекистон МТЖ аъзолари бугун Ҳайит байрамини ўз оила аъзолари даврасида нишонлагандан кейин, машғулотларни давом эттиришади. Бугунги машғулотлар ОАВ учун ёпиқ тарзда ўтади. Журналистлар эртага ўйинолди матбуот анжуманидан кейин бўлиб ўтадиган машғулотда иштирок этишлари мумкин", - дея ёзганди.

Қайд этиш керакки, бугун эртанги Ўзбекистон - КХДР учрашуви олдидан терма жамоаларнинг расмий машғулоти ва ўйиндан аввалги матбуот анжумани бўлиб ўтади.

Дастлаб, соат 17:30да меҳмонлар бош мураббийи журналистлар саволларига жавоб беради. Кейин соат 18:00да КХДР терма жамоасининг ўйинолди машғулоти ўтказилади. Соат 18:30да эса Ўзбекистон миллий терма жамоаси бош мураббийи Эктор Купер иштирокидаги матбуот анжумани бошланади. Соат 19:00да эса Ўзбекистон миллий терма жамоасининг машғулоти бўлиб ўтади, дейилади ЎФА хабарида.

Фото Ўз мухлисларини севадиган ва ҳурмат қиладиган терма жамоа

Кеча ёпиқ эшиклар остида шуғулланган Ўзбекистон терма жамоаси бугун ўйиндан олдин расмий машғулот ўтказади