Hozirgi kunda esa ularning etuk va sog'lom bo'lib kamol topishida sportning o'rni beqiyos. To'g'ri yulga etaklovchi esa albatta ustoz va murabbiylarning o'rni beqiyos.

“Bolalar futboliga etibor berib, ularga hozirdan futbolning sir asrorlarini o'rgataylik. Ishonaman, ular kelajakda katta marralarni zabt etadi”, - deydilar ustozim Nodirxo'ja Yuldashev.

Rost, ulardagi shijoatni ko'rib kelajakda o'zimizning Messi, Ronaldo yoxud Buffonlar chiqishini ishonasan kishi. Futbolga mehr qo'yish va sekin astalik bilan ularga futbolning barcha sir asrorlarini o'rgatish maqsadida, Jizzax viloyati futbol federaciyasi, G'allaorol tumani bolalar va o'smirlar sport maktabi tashabbusi bilan Jizzax viloyati G'allaorol tumanida 2008-2009 yillarda tug'ilgan bolalar o'rtasida “Kelajak yulduzlari” futbol festivali o'tkazildi.

Unda respublikamizning Toshkent, Farg'ona, Namangan, Buxoro, Sirdaryo va Jizzax kabi viloyatlardan jamoalar qatnashdilar. 1-5 aprel kunlarida o'tgan ushbu festivalida quyidagi jamoalar ishtirok etishdi:

Toshkent “Paxtakor” 1 va 2 jamoalari (24 nafar futbolchi)
Farg'ona - “Marg'ilon”(12 nafar)
Namangan – “Namangan”(12 nafar)
Buxoro- “Buxoro”(12 nafar)
Sirdaryo- “Guliston”(11 nafar)
Toshkent- “Lokomotiv BFK”(12 nafar)
G'allaorol – “Marjonbuloq”(12 nafar)

“Bolajonlarning ko'zidagi quvonchni qarang” - deb so'z boshladi G'allaorol BO'SM futbol murabbiyi Baxriddin Rahmonqulov. “Ushbu festivalni tashkil qilishdan asosiy maqsad bolalarda sportga, xususan futbolga bo'lgan mehrni o'yg'otish, ularni vatanparvarlik ruhida tarbiyalash, istedodli bolalarni saralab olish va ulardan professional futbolchilarni tarbiyalash. Jizzaxdan ko'plab futbolchilar etishib chiqqan. Davron Fayziev, Jasur Hasanov, Sardor Rashidov va boshqalar. Ularning yutuqlarini ko'rib xursand bo'lamiz va yanada faxrlanamiz. Bu bolajonlar ham kelajakda milliy terma jamoalarimizda o'ynab, vatanimiz bayrog'ini yuksaklarga ko'tarishiga ishonaman”.

Festivalning so'ngi kunida, bolalarni taqdirlash marosimi bo'lib o'tdi. Unda Jizzax viloyati futbol federaciyasi birinchi vice-prezidenti Musulmanov Anvar Ismatullaevich va federaciya xodimlari, G'allaorol BO'SM rahbariyati, OAV xodimlari, jamoalar murabbiylari 2012 yil Eronda bo'lib o'tgan Osiyo chempionatida chempion bo'lib, hozirgi kunda Jizzaxning “So'g'diyona” jamoasi sharafini himoya qilayotgan Sarvar Karimov, Izzatilla Abdullaev, Shoxrux Eshbo'taev qatnashib, bolalarni medallar bilan taqdirlaydi. Bunday tadbirlar tashkil etilishida davom etiladi.

Dildora Xolboeva Jizzax viloyatidan maxsus

“Kelajak yulduzlari” bolalar futbol festivali G'allarolda