Бош прокурор Берик Асиловнинг таъкидлашича, кенг кўламли текширув натижасида Футбол федерацияси ва мамлакат клублари шартномаларида аниқ тақиқлар борлигига қарамай, келишилган ўйинлар, шунингдек, футболчилар ва мураббийларнинг букмекерлик фаолиятига жалб этилиши ҳолатлари аниқланган.

Унга кўра, тергов давомида "Актобе"нинг 9 нафар футболчиси умумий қиймати 110 миллион тенгега тенг пул тиккан. Бу кўрсаткич ҳатто тажрибали мутахассисларни ҳам ҳайратда қолдирди. Натижада 2025 йил 2 апрелда прокуратура томонидан Федерацияга расмий хабарнома юборилиб, қонунбузарликларни бартараф этиш талаби қўйилган.

Шундан сўнг ФФК молиявий интизомни мустаҳкамлаш ва тизимни тозалашга қаратилган ҳужжат – "Йўл харитаси"ни ишлаб чиқишга мажбур бўлган. Унда 33 та чора-тадбирлар, жумладан, аудит, молиявий ва ахлоқий қўмиталар ташкил этилиши белгиланган. Бундан ташқари, раҳбариятда кадрларнинг кескин ўзгариши амалга оширилган: маъмурият бошлиғи, бошқарувчи директор, юридик, маркетинг ва операцион бўлимлар директорлари ва хавфсизлик бошлиғи ўз лавозимларини йўқотди. Бошқа топ-менежерлар лавозимидан туширилди.

Асиловга кўра, айни пайтда Федерация футболга бўлган ишончни тиклаш учун тартибни тиклаш ва тузилмани тартибга солиш устида иш олиб бормоқда.

Келишилган ўйинлар ва ўйинчиларнинг миллионлаб пул тикишлари аниқланди